Búgin Taldyqorǵan qalasynda da qos mektep paıdalanýǵa berilip, alǵashqy qońyraý saltanaty ótti. Oqýshylardyń qýanyshyn bólisýge oblys ákimi Amandyq Batalov kelip, bilim ǵımaratynyń tusaýkeserine qatysty.
- Búgin aımaqta 45 myńǵa jýyq bala alǵash ret mektepke qadam basyp otyr. Bul elimizdiń órkendep, urpaq sanynyń artyp kele jatqandyǵynyń kórinisi. Oblysta balalardyń bilim alýyna tolyq jaǵdaı jasalýda. Jańa oqý jylyna 7 mektep paıdalanýǵa berildi. Jalpy 22 oqý ǵımaraty 6,8 mlrd teńgeden astam qarjyǵa kúrdeli jáne aǵymdaǵy jóndeýden ótti. Jetisýda mektep salý isi jalǵasa beredi. Jyl sońyna deıin taǵy 2 mekteptiń qurylysy aıaqtalady. Taldyqorǵan qalasynda 300 oryndyq mýzyka mektebiniń qurylysy aıaqtalýǵa jaqyn. Osynyń barlyǵy urpaqtyń sapaly bilim, sanaly tárbıe alýy úshin memleket tarapynan jasalǵan qamqorlyqtyń úlgisi, - dedi óz sózinde aımaq basshysy.
Taldyqorǵan qalasynda qoldlanysqa berilgen 2 mektepte 1200 oqýshyǵa arnalǵan. Bilim shańyraqtarynyń materıaldyq-tehnıkalyq bazasy tolyqtaı jabdyqtalyp, zamanǵa saı bilim berýge laıyqtalǵan.
Qalmahanbet MUQAMETQALI,
«Egemen Qazaqstan»
Almaty oblysy
Sýretti túsirgen Aıdyn NURShANOV
