Bul óte durys sheshim

Jańaózen qalasyndaǵy jap­paı tár­tip­­siz­dik, buza­qy­lyq, jat pıǵyldy adam­dar­dyń ju­mys­tan bosap qalǵan mu­naı­­shylar  men «О́zen­mu­naı­gaz» kompanııasy bas­shy­lyǵy ara­syndaǵy uzaqqa so­zylǵan eń­bek daýyn paı­da­lanyp, sút­teı uıyǵan tatýlyq pen ynty­maq­tastyqqa syzat túsirgen teris áreketterin shy­ǵysqa­zaq­stan­dyq­tar da batyl aıyptap otyr. Osyndaıda sonaý  1992 jylǵy О́skemen qa­la­syndaǵy bir top kavkazdyq bu­zaqy­lar­dyń tórt jas jigitti baýyzdap, sońy úlken daý-damaıǵa aı­na­lyp ba­ryp, áreń de­gende toq­ta­tylǵany eske tú­sedi. Sol syn sátte El­basy N.Na­zar­baevtyń tap­­syrma­sy­men qu­rylǵan Úki­­­­mettik kommıssııa múshe­leri tol­qyǵan jastarmen kezdesip, Elbasynyń sá­le­min jetkizgen edi. Elbasy N.Nazarbaev qıyn kezde du­rys sheshim qabyldap, dúr­ligýdi bas­qany esimizde. Muny nege eske alyp otyr­myn? Jańa­ózendegi jappaı tártipsizdikke kináli adamdar qazir shet jaqta júr dep estidik. Olardy ustap, qatań ja­ýap­qa tartý kerek. Sebebi, olar eń aldymen, ata-babalarymyz ǵasyrlar boıy ańsaǵan Táýel­sizdiktiń 20 jyldyǵy toıla­nyp jatqan  kezde qoǵamǵa jat áreketterin júzege asyrdy.  Birneshe kinásiz adam qaza tapty. Qazaqstandaǵy  júzden astam ult ókilderi qazir bul jat áreketti batyl aıyptaýda. Elbasy Aqtaý qalasynda ótken aktıv jıynynda, Jańa­ózen qalasynda turǵyn­dar­men kezdesý kezinde aıyptylardy qatań jazalaıtynyn aıtqany belgili. Shynynda da, «Samu­ryq-Qazyna», «QazMunaıGaz» kompa­nııa­synyń basshylary eńbek daýyn der kezinde sheshý jónindegi Prezıdenttiń tap­syr­­ma­syn oryndamaı, qala­daǵy jaǵdaı durys­ta­lyp keledi, barlyǵy oń sheshiledi dep burys aqparat bergen. Elbasy osy jaıly jınal­ǵan­darǵa aıta kelip, zardap shekken adam­darǵa kómek bolatynyn, qaı­tys bolǵandar otbasy­laryna materıaldyq qoldaý jasaı­tynyn aıt­ty. Úkimet úsh mıllıard teńgeden astam kó­mek kórsetpek. Elbasy Jańaózende bolǵan kezde kóptegen turǵyn­darmen jolyǵyp, máse­le­niń anyq-qanyǵyn anyqtady. Me­niń­she, syn sátte Elbasy taǵy da halyqty birlik pen tatý­lyqqa shaqyryp, Jańaózen qa­lasynyń jaǵdaıyna nazar aýdaratynyn eskertti. Endeshe, jańaózendikterdi sabyrly­lyq­qa úndep, el men jerdiń kórkeıe berýine úles qosýǵa shaqyramyn. Bolatbek IMANǴALIEV, Syrtqy ister mınıstrliginiń О́skemen  qalasyndaǵy konsýly,  Qatonqaraǵaı aýdanynyń qurmetti azamaty. О́SKEMEN.