Jańaózen jańa ómirdi bastady

Arshyndap alǵa ba­sý­dyń qýanyshyn kótere al­maıtyndar da bolady. El­basy Nursultan Nazar­baevtyń Jańaózenge sa­parynda aıtqan sózderi­nen osyny uǵamyz. Qazir aqyl men parasattyń sy­nalar shaǵy týǵandaı. Men Qa­zaqstan táýelsizdiginiń tuǵyryn bıiktetken azamattardyń tereń oılaıtynyna, opyq jegizer istiń astaryna tereń boılaıtynyna senemin. Olaı bolmaýy múmkin de emes. Qasterli Otanymyzdyń asyl murattary qaǵys qadam­dardy kótermeıdi. Oqys oqıǵanyń tıisti baǵasy berilip te jatyr. Oblys ákimi men munaı kompanııalarynyń basshylyǵyna jańa azamattardyń kelýi ashy sabaqtyń qaıtarymy bolǵandaı. Bizdiń qasıetti Otanymyzda halyqtyń arman-tilegi men rýh  qaınarlaryn aıaqasty qylýǵa eshkimniń haqysy joq. Elba­sy­myz kıkiljińniń sebep-salda­ry­nyń basyn ashyp kórsetti. Shu­ǵyl sharalar qoldany­lyp jatyr. Qala­nyń qaıta qal­pyna kelýine búkil qa­zaqstandyqtar qol ushyn berýde. Bizdi aıryqsha qýan­t­qan­dy, ju­mys­­tan shy­ǵaryl­ǵan jastar­dyń qaı­tadan eńbek ujym­da­ry­na oralatyn­dy­ǵy. Halqymyz «adas­qannyń aıyby joq, qaıta aı­nalyp qazyǵyn tapsa» deıdi. Júregi jaralanǵan zaman­dastarym sana silkinisinen ótti, týǵan eliniń qymbat qasıet­terin shyndap sezingeni anyq. Jappaı jazalaýǵa jol bermegen, oqı­ǵanyń túp-tamyryn saraptap saralaǵan Prezıdentimizge rı­zamyz. Búkil Qazaqstan jastary eldiń, Elbasynyń senimin aby­roımen aqtaıtyny daýsyz. Beıbitshilik, yntymaq, bereke elinde kók baıraǵymyz bıikteı bersin. Lázzat QONARBAEVA, Rodına aýyldyq okrýginiń ákimi. Aqmola oblysy, Selınograd aýdany.