Almatyǵa qalasynyń quramyna jańadan qosylǵan Naýryzbaı aýdanynda 1200 oryndy jańa mektep ashylyp, munda balalardyń sapaly da jańa zamanǵa saı bilim alýyna tolyqqandy múmkindikter jasalǵan.
Jańa oqý ornynda robot tehnıkalary kabınetteri, fızıka men hımııa synyptary, ata- analarǵa arnalǵan bólmeler, oıyn alańdarymen qatar jańa jıhazdarmen, kórnekiliktermen jabdyqtalǵan. Qaýipsizdik sharalaryna da erekshe kóńil bólingen.
Mekteptiń taǵy bir ereksheligi – zaǵıp jáne nashar kóretin balalar úshin úshin Braıl qarpine oqytatyn synyptarmen, arnaıy sanıtarlyq bólmeler jáne arnaıy shaqyrý núktelerimen qamtamasyz etilgen.
Qala ákimi oqý jylynyń alǵashqy kúnderinde Baýyrjan Baıbek jańa mekteptiń oqýshylarymen jáne ata- analarymen kezdesti. Munda ózdiginen júre almaıtyn balalarǵa da arbamen júrýge qolaıly jaǵdaılar jasalǵan. Sonymen qatar mektepte óziniń atamekenine oralǵan otbasylar balalarynyń da erkin bilim alýy barynsha múmkindikter bar.
Qala ákimdiginiń Baspasóz qyzmetiniń derekteri boıynsha, bıylǵy jyly bilim oshaqtaryn salý men kúrdeli jóndeýden ótkizýge 17 mlrd. teńgeden astam qarjy bólingen. Osy oqý jylyna oraı Almatynyń Alataý aýdanyndaǵy №151 mektep janynan salynǵan 600 oryndy qosalqy nysan paıdalanýǵa berilse, №26 mekteptiń eski ǵımaraty jańartyldy. Al kúz aıynyń sońyna qaraı munda 600 oryndyq jáne №184, 185 mektepter janynan 400 oryndyq qosalqy nysandar ashylatyn bolady.
Elvıra Serikqyzy,
«Egemen qazaqstan»
ALMATY
