- Qazirgi tańda «Rýhanı jańǵyrý» baǵdarlamasy tabysty júzege asyrylyp keledi. Soǵan sáıkes, qazaq tilin latyn grafıkasyna negizdelgen jańa álipbı ázirlendi. Qazaqstannyń latyn grafıkasyna kóshýi túrki tildes elderdiń jazý mádenıetin jaqyndastyra túsetin aıtýly jańalyq. Sonymen qatar, «Rýhanı jańǵyrý» baǵdarlamasy aıasynda Qazaqstandaǵy 100 jańa esim jobasy júzige asyryldy. Taǵylymy mol tarıhymyzda Ál-Farabı, Iаssaýı, Abaı, Iýnýs Emre, Nızamı, Ulyqbek, Aıtmatov sekildi iri tulǵalar bar. Osyǵan baılanysty túrki keńesi aıasynda Túrki áleminiń 100 esimi jobasyn ázirleýdi usynamyn, - dedi Memleket basshysy Nursultan Nazarbaev.
Túrkitildes memleketterdiń yntymaqtastyǵy keńesi 2009 jyly Qazaqstan Respýblıkasy Prezıdentiniń bastamasymen Nahchyvan qalasynda (Ázerbaıjan) quryldy. Qazirgi ýaqytta Keńestiń quramyna Ázerbaıjan, Qazaqstan, Qyrǵyzstan jáne Túrkııa kiredi. Túrki keńesiniń Bas hatshylyǵy Ystanbul qalasynda (Túrkııa) ornalasqan.
Abaı ASANKELDIULY,
"Egemen Qazaqstan"
