Qazaqstan • 03 Qyrkúıek, 2018

Baǵdat Qarasaev Ile aýdanynyń ákimi qyzmetine taǵaıyndaldy

592 retkórsetildi

Taldyqorǵannyń eks-ákimi Almaty oblysynyń Ile aýdanyna ákim bolyp taǵaıyndaldy. Baǵdat Qarasaev zeınetkerlikke shyqqan Qydyrkeldi Medeýovtiń ornyna bardy, dep habarlaıdy Almaty oblysy ákiminiń baspasóz qyzmeti.

Almaty oblysynyń ákimi Amandyq Batalov QR Prezıdenti Ákimshiliginiń kelisimimen Ile aýdanyna ákim etip Baǵdat Qarasaevty taǵaıyndady. Aýdan aktıvine jańa ákimdi óńir basshysy ózi tanystyrdy. Aýdandy osy ýaqytqa deıin basqaryp kelgen Qydyrkeldi Medeýov zeınet jasyna jetkendikten, qyzmetinen bosatyldy. 

Qarasaev Baǵdat Ábilmájinuly 1964 jyly dúnıege kelgen. Almaty temir jol kóligi ınstıtýtynda «ınjener-mehanık», T. Rysqulov atyndaǵy Qazaq ekonomıkalyq ýnıversıtetinde «memlekettik basqarý bakalavry» mamandyǵyn meńgerip shyqqan.

Alǵashqy eńbek jolyn Taldyqorǵan oblysy, Andreev aýdanynda kásibı-tehnıkalyq ýchılıshede muǵalim bolyp bastaǵan. Ár jyldarda osy oqý orny dırektorynyń orynbasary, dırektory, «Alakól-Agro» jáne «Qaıyńdy» JShS dırektory, Alakól aýdany ákiminiń orynbasary, Alakól aýdany ákimi, Almaty oblysy ákiminiń apparat jetekshisi jáne QR Prezıdent Ákimshiliginiń memlekettik ınspektory bolyp qyzmet etken. 2015 jyldan 2018 jyldyń mamyr aıyna deıin Taldyqorǵan qalasynyń ákimi boldy.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar