Tusaýkeser rásim teatrlandyrylǵan mýzykalyq kompozısııamen bastaldy. Onda kóshpendi halyqtardyń san ǵasyrlyq basyp ótken joly saz, bı jáne jaýgershilik zamandy beınelegen at oıyndary arqyly kórsetildi. Kompozısııanyń ekinshi bóligi zańǵar jazýshy Shyńǵys Aıtmatovtyń bıylǵy 90 jyldyq mereıtoıyna arnalǵan.
Sodan keıin kóshpendiler oıyndaryna qatysyp jatqan memleketterdiń ókilderi óz eliniń týlaryn kóterip kórermenderdiń aldynan ótti. Eń aıaǵynda Qyrǵyzstannyń ókilderi ótip, Qyrǵyzstannyń Prezıdenti Sooronbaı Jeenbekov quttyqtaý sózin aıtty.
"Kóshpendiler oıyndary dúnıe elderiniń yntymaǵyn nyǵaıtyp, gýmanızmniń ıdealdaryn taratýǵa, tabıǵatqa, adam koǵamyna bolǵan mámileni ózgertýge negiz bola alady", -dedi.ol
О́z sózinde Prezıdent is-sharaǵa qatysyp otyrǵan sheteldiń memleket basshylaryn kópshilikke jarııa etti. Birinshi Qazaqstannyń Prezıdentiniń atyn atap:
"Búgingi saltanatty rásimge Qazaqstan Respýblıkasynyń Prezıdenti qurmetti Nursultan Ábishuly Nazarbaevtyń qatysyp jatqany biz úshin úlken qýanysh", - dedi.
Budan keıin qyrǵyz Prezıdenti Túrkııanyń Prezıdenti Rejep Taııp Erdogandy, Vengrııanyń Premer-mınıstri Vıktor Orbandy jáne Tatarstannyń Prezıdenti Rýstam Mınnıhanovty elge tanystyrdy.
Prezıdent Sooronbaı Jeenbekovtyń sózinde málim bolǵandaı, IV Dúnıejúzilik kóshpendiler oıyny Túrkııada ótetin boldy.
Nazarbek BAIJIGITOV
Qyrǵyz Respýblıkasy,
Sholpanata qalasy
