Eń aldymen kózge «V» toby túsedi. «Barselona» men «Tottenhem», odan qala berse mılandyq «Inter» úsheýi de joǵarǵy deńgeıdiń klýbtary. Al nıderlandylyq PSVny da esepten erte shyǵarýǵa bolmas. Tartysy qyzý top bolǵaly tur.
Kórshiles «S» tobynda da jaǵdaı shıeleniseri ǵajap emes. PSJ, «Napolı» «Lıverpýl» úshtigi «Srvena Zvezdaǵa» adym ashtyrmaıdy. Biraq, kelesi kezeńge tek eki komanda ótetinin eskersek, onda bir azýly komandanyń toptyq kezeńnen ári asa almaıtyny anyq.
«D» tobyn mamandar eń osal top dep baǵalap otyr. Chempıondar lıgasyn saǵynyp qalǵan «Lokomotıv», «Portý», «Shalke» jáne «Galatasaraı». Atalǵan tórt ujymnyń tórteýiniń de múmkindigi bir kelki kórinedi.
«E» tobynda favorıt «Bavarııa» sanalǵanymen chempıondar lıgasynyń keıbir tarıhı derekteri ózgeshe sóılep tur. «Nemis máshınesiniń» «Benfıkada» ketken esesi bar. Al AIаKS pen mıýnhendik klýbtyń arasyndaǵy teke tireste tarazy basy teń. 3 ret nıderlandııalyqtar 3 ret nemister jeńiske jetipti. Al grekııalyq AEK toptaǵy úshinshi orynnan dámeli.
«F» tobynda Gýardıola baptaıtyn «Manchester Sıtıdiń» ózgelerden shoqtyǵy bıik. Alaıda, Doneskilik «Shahterdiń» de, fransııalyq «Lıonnyń» da tájirıbıesi tolysqan klýb ekenin umytpaýymyz kerek. Al tórtinshi, osaldar sebetinen shyqqan «Hoffenhaım» sol osaldar bóliminde reıtıngisi tómen bolǵasyn júrdi. Áıtpese Býndeslıganyń ótken jylǵy qola júldegeri kez-kelgenniń apshysyn qýyratyn ujym.
«Roma» jáne máskeýlik SSKA fýtbolshylary Ronaldýy joq «Realdy» utalamyz dep jelpinip otyr. Al Krıshtıanýdyń ózi burynǵy klýbyna taǵy bir márte gol soǵatyn múmkindik aldy. «Iýventýs» «Manchester Iýnaıtedpen» bir topqa tústi. «Valensııa» men «Iаng Bboızǵa» qıyn bolary sózsiz.
Ermuhamed MÁÝLEN
