Qazaqstan Prezıdenti Almaty qalasyna jumys sapary barysynda jaıaý júrginshiler men velosıpedshiler úshin ınfraqurylymy qaıta jasaqtalǵan Abaı jáne Nursultan Nazarbaev dańǵyldaryn aralap kórdi.
Qala ákimi Baýyrjan Baıbek Memleket basshysyna shahar tirshiligin sáýlet-qurylys júrgizý turǵysynan retteý úshin pılottyq rejimde engizilgen jańa dızaıyn-kod ádisi jóninde málimdedi. Bul ádis megapolıstiń biryńǵaı stılin qalyptastyrýǵa arnalǵan ári bir qujatta naqtylanǵan erejeler men usynymdardy aıqyndaıdy.
Sonymen qatar, Nursultan Nazarbaev jalpy uzyndyǵy 8,7 shaqyrymdy qamtıtyn Tımırıazev jáne Jandosov kósheleriniń boıymen tartylǵan BRT kóshe-jol jelisimen tanysty.
