Ulttyq ekonomıka mınıstri Tımýr Súleımenovtyń baıandaýynsha, jyl basynan beri ınflıasııa deńgeıi jańa dáliz 5-7% aralyǵynda saqtalyp otyr. Tamyzda ınflıasııa 0,2% qurasa, jyldyń basynan beri — 2,9% qurady. Jyldyq ınflıasııa 6% qurady.
«Aǵymdaǵy jyldyń basynan beri 2017 jyldyń sáıkes kezeńimen salystyrǵanda ınflıasııanyń barlyq quramdaýyshtary boıynsha baǵa ósýiniń báseńdegeni baıqalyp otyr. Azyq-túlik taýarlaryna baǵa ósýi 2,3% qurady. Azyq-túlik emes taýarlarǵa – 3,6%. Aqyly qyzmetterge baǵalar men tarıfter 3%», — dep habarlady ulttyq ekonomıka mınıstri.
Onyń aıtýynsha, sońǵy úsh aıda azyq-túlik taýarlaryna baǵanyń tómendegen baıqalyp otyr, bul ınflıasııa quramdaýyshtarynyń ishinde eń tómen mánge ákeldi.
Sonymen qatar, azyq-túlik emes taýarlarǵa baǵanyń eń kóp óskeni tirkeldi. Bul rette, dızel otynyna, aıaq kıimge, suıytylǵan gazǵa, dári-dármekke jáne turmystyq buıymdarǵa baǵanyń óskeni baıqalyp otyr. T. Súleımenovtyń aıtýynsha, aqyly qyzmetterdiń baǵasy ortasha qarqynmen ósti.
«Aqyly qyzmetterdiń ishinde baǵanyń eń kóp óskeni áýe jáne temir jol kóligi qyzmetterine, quqyqtyq qyzmetterge tirkeldi. Sondaı-aq, avtomobılderge tehnıkalyq qyzmet kórsetýge jáne qonaq úı qyzmetterine baǵa tómendedi», — dedi ol.
Jyl basynan beri óńirlik bóliniste joǵary ınflıasııa deńgeıi, ortasha respýblıkalyq deńgeıden (2,9%) shamammen 1 paıyzdyq tarmaqqa asyp, Atyraý (3,8%), Mańǵystaý (3,8%) óńirlerinde baıqalady. Ortasha respýblıkalyq deńgeıden az ǵana Soltústik Qazaqstan (3,3%), Qyzylorda oblystary (3,2%), Astana q. (3,2%) jáne Pavlodar oblysy(3,1%) asty.
Ulttyq ekonomıka mınıstriniń aıtýynsha, teńgeniń álsáreýi baǵa men tarıfterge qysym kórsetetinin atap ótken jón. Baǵa men ulttyq valıýtanyń arasyndaǵy joǵary korrelıasııany eskere otyryp, aǵymdaǵy teńge baǵamynda ınflıasııa deńgeıi 1 paıyzdyq tarmaqqa ulǵaıýy múmkin.
«Teńgeniń birshama álsireýin jáne ınflıasııanyń maýsymdylyǵyn eskere otyryp, 2018 jyldyń qorytyndylary boıynsha ınflıasııa deńgeıi baǵalaý boıynsha jańa aralyqtyń joǵarǵy deńgeıine jaqyn bolady — shamamen 6,6%–6,8%. IV toqsanda ınflıasııalyq prosesterdiń kúsheıetinin nazarǵa ala otyryp, jergilikti atqarýshy organdar turaqtandyrýshy qorlaryn ýaqytyly tolyqtyrýy, baǵaǵa monıtorıng jasaı otyryp kómir men dızel otynynyń úzilissiz jetkizilimderi boıynsha jumysty kúsheıtýi qajet», — dedi T. Súleımenov.
Ulttyq bank tóraǵasy D. Aqyshev, óz kezeginde, Ulttyq banktiń boljamdary boıynsha ınflıasııa deńgeıi 2018 jylǵa josparlanǵan dálizde saqtalatynyn, alaıda 2019–2020 jyldary belgilengen dálizden asýy múmkin ekenin aıtyp ótti.
«Birinshiden, bul Reseı Federasııasyna qarsy sanksııalar rejımimen baılanysty, ekinshiden, buǵan munaı baǵasynyń tómendeýi sebep, úshinshiden – áleýmettik shyǵyndar men nesıelerdiń ósimi sebep», — dep naqtylady D. Aqyshev.
Premer-Mınıstr Baqytjan Saǵyntaev máseleni qaraý qorytyndysy boıynsha taýarlar men qyzmet túrlerine baǵanyń negizsiz ósýine jol bermeýdi qatań baqylaýǵa alýdy tapsyrdy. Atalǵan másele aı saıyn qaralyp otyrady.
