«Komanda oıynshylary alpaýyt zaýytqa barsaq, qazsınktikterdiń qalaı jumys isteıtinin, metalldy qalaı óńdeıtinin kórsek dep ótinish bildirdi. Kompanııa bizdiń ótinishimizdi qup alyp, sportshylar men bapkerlerge tamasha ekskýrsııa uıymdastyrdy», - deıdi «Torpedo» hokkeı klýbynyń prezıdenti Nıkolaı Proskýrın.
Ekskýrsııa kásiporynnyń tarıhy men búgininen syr shertetin mýzeıdi aralaýdan bastaldy. Hokkeıshilerge mýzeı tarıhy týraly «Qazsınk» JShS-niń ákimshilik máseleler jónindegi atqarýshy dırektory Andreı Lazarev áńgimelep berdi. «Negizinde metallýrgter men hokkeıshilerdiń jumysy uqsaıdy. О́ıtkeni, olar úzdik nátıjege jetý úshin birlese, ıaǵnı komandamen judyryqtaı jumylyp jumys isteıdi. Sondyqtan hokkeıshilerdiń óndiris ornynyń tynys-tirshiligin kórýge qyzyǵýshylyq tanytqanyn túsinýge bolady», - deıdi ol.
«Torpedo» oıynshylary bul kúni 2011 jyly ashylǵan mys balqytý jáne baǵaly metalldardy shyǵaratyn zaýyt jumysymen de tanysty. «Búgin metallýrgterdiń jumysyn birshama bilip qaldyq. Metalldardyń qalaı óndiriletinin kórdik. Sondyqtan osyndaı ekskýrsııa uıymdastyrǵany úshin kásiporyn basshylyǵyna alǵys bildiremiz», - deıdi komandanyń shabýylshysy Evgenıı Rymarev.
Azamat QASYM,
«Egemen Qazaqstan»
О́SKEMEN
Sýretterdi túsirgen Vıktor VOLOGODSKII
