Keshe Bas prokýror Ashat Daýylbaevtyń tóraǵalyq etýimen aǵymdaǵy jyldyń jumys qorytyndylaryn jáne aldaǵy kezeńdegi qyzmettiń basym baǵyttaryn qarap, talqylaǵan Bas prokýratýranyń keńeıtilgen alqa májilisi boldy. Onyń jumysyna beınekonferensııalyq baılanys arqyly oblys prokýrorlary jáne olarǵa teńestirilgen prokýrorlar, oblystyq, qalalyq jáne aýdandyq deńgeıdegi prokýratýralardyń qyzmetkerleri qatysty.
Bas prokýror atap ótkendeı, aǵymdaǵy jyly prokýratýra organdary prokýratýranyń quqyq qorǵaýshylyq rólin kúsheıtýge jáne tıimdiligin odan ári arttyrýǵa baǵyttalǵan Memleket basshysynyń tapsyrmalaryn júzege asyrý baǵytynda jumys istedi. Osy maqsattarda zeınetaqymen qamtamasyz etý, eńbek qatynastary jáne áleýmettik qorǵaý, bilim jáne ǵylym, básekelestikti damytý, ındýstrııa jáne saýda máseleleri boıynsha, sondaı-aq ózge de mańyzdy salalarda tekserýler júrgizildi. Tekserýler nátıjeleri boıynsha 380 myń zańdylyqty buzýshylyq joıyldy. 500 myńǵa jýyq adamnyń konstıtýsııalyq quqyqtary qalpyna keltirildi. 44 myń zańsyz quqyqtyq aktilerdiń kúshi joıyldy. 40 mlrd. teńge shyǵynnyń 27 mıllıardy bıýdjetke qaıtaryldy.
Azamattardyń eńbek qquqyqtaryn qamtamasyz etý salasyndaǵy maqsatty jumys basym baǵyttardyń biri bolyp qala beredi. Prokýrorlyq yqpal etý sharalary boıynsha 155 myń jumysshynyń jalpy somasy 8,7 mlrd. teńgeni quraıtyn merziminen keshiktirilgen jalaqylary tólendi, bul qaryz kólemin eki esege azaıtýǵa múmkindik berdi.
Memleket basshysynyń quqyq qorǵaý qyzmetiniń tıimdiligin arttyrýǵa baǵyttalǵan jańa talaptaryna saı qylmystyq quqyq salasynda qylmystardy jasyrý problemalaryn sheshý boıynsha kóp jumys atqaryldy. Kózdelgen sharalar qylmystylyqtyń shynaıy kórinisin qamtamasyz etýge jáne zardap shekkenderdiń quqyqtaryna kepildik alýǵa múmkindik beredi. Osy sharalar nátıjesinde bıznestiń is-áreketine ákimshilik kedergi keltiretin birqatar problemalar sheshildi, aýylsharýashylyq ónimderin ımporttaý úshin edáýir kedergi bolyp kelgen zań normalary qaıta qaraldy.
Alqa jumysynyń qorytyndysy boıynsha Bas prokýror azamattardyń, kámeletke jasy tolmaǵandardyń konstıtýsııalyq quqyqtaryn qamtamasyz etý, kásipkerlikti qorǵaý, uıymdasqan qylmyspen, sybaılas jemqorlyqpen, ekstremızm jáne terrorızmmen kúres tárizdi prokýrorlyq qadaǵalaýdyń basym baǵyttary boıynsha birqatar tapsyrmalar berdi, dep habarlady Bas prokýratýranyń baspasóz qyzmeti.
