Aımaqtar • 05 Qyrkúıek, 2018

Túrkistanda jomart júrekti azamattar marapattaldy

319 retkórsetildi

Túrkistan qalalyq ákimdiginiń uıymdastyrýymen eline ja­sa­ǵan eńbegi eren jergilikti aza­mat­­­­­tarǵa «Atameken» kishi baǵ­dar­la­masy aıasynda «Jomart jú­rek» syılyǵynyń atalymdary bo­ıynsha erekshe qurmet kórsetildi.

Elbasy «Bolashaqqa baǵdar: rýhanı jańǵyrý» maqalasynda «Týǵan jer» baǵdarlamasyn usynyp, ony taıaý jyldardaǵy min­det­terdiń biri retinde ataǵan bolatyn. Halyqty rýhanı jań­ǵyrýǵa jetelegen, rýhyn kóter­gen, eline degen patrıottyq sezi­min arttyrǵan qundy qujatta aı­tylǵan mańyzdy bastamalar búginde nátıjeli jú­­­­ze­ge asy­rylyp keledi. Jergilikti qo­ǵam­­nyń máselelerin sheshýde aza­mat­tardyń, úkimettik emes uıym­­dar, qoǵamdyq birlestikter, eriktiler, mesenattar, bıznes ókilderi men memlekettik or­gan­dar kúshin biriktirýge negiz­del­gen «Atameken» kishi baǵ­dar­la­masynyń «Jomart júrek» ba­­ǵyty áleýmettik bastamalar kar­­ta­synyń qısyndy jalǵasy ispetti.

Árıne jomart jandarǵa el atynan alǵys aıtyp, yntalan­dyrý da mańyzdy. Osy oraıda Túrkistandaǵy saltanatty jıyn­da týǵan jerinde iri áleý­mettik jobalardy iske asyryp, qaıyrymdylyq aksııalary­na belsendi atsalysqan birqatar azamattyń eńbegi baǵalandy. Eldiń alǵysyn alyp júrgen Erlan Ahmetov, Abdyashım Esenalıev, Baqyt­­­­jan Beısembaev, Erkinbaı Shaltanov, Bekzat Baıkóbekov syndy abyroıly azamattar «Jyl mesenaty», «Týǵan ólke», «Jyl tulǵasy», «Jyldyń úzdik uıymy», «Eren eriktilik» atalymdarymen, qala ákiminiń Alǵys hatymen jáne arnaıy syılyqtarmen marapattaldy.

Saltanatty sharada Túrkistan qa­lasynyń ákimi Á.О́serbaev kópshilikti ónegeli is jasaýǵa, ıgi­likti mura qaldy­rýǵa shaqyryp, jomart azamattarǵa alǵysyn bildirdi.

Ǵalymjan ELShIBAI,

«Egemen Qazaqstan»

Túrkistan oblysy

Sońǵy jańalyqtar

Jazyǵy joq kóktemniń

Ádebıet • Keshe

Uqsas jańalyqtar