Áleýmettiń áleýetin joǵarylatý úshin

«Nur Otan» halyqtyq-demokratııalyq partııa­sy­nyń respýblıkalyq saı­laý­aldy shtabynyń músheleri óz úgit naýqanyn Soltústik Qazaqstan oblysynda jal­ǵas­tyrdy. Osy iri agro­óner­kásiptik óńirde nurotan­dyq­tar aýylsharýashylyq keshenderi jumysshylarymen, Soltústik Qazaqstan memlekettik ýnıversıtetiniń stýdentterimen jáne oqytýshy­larymen kezdesti, sondaı-aq Petropavl qalasynyń azyq-túlik bazarynda boldy. Kezdesýler barysynda ár­túrli máseleler tal­qy­lan­dy: aýyldyń damýy, jalpy ag­ro­ónerkásiptik keshendi jáne etti mal sharýashy­ly­ǵyn, bilim jáne ǵylym salalaryn da­my­tý, qazaqstandyqtardyń áleý­met­tik qamsyzdandyrylýy. Bilim salasy ókilderin jas­tarǵa qoldaý kórsetýge ba­ǵyttalǵan partııalyq baǵdar­la­malar, stýdentterdiń shá­kirt­aqysyn jáne muǵalimder men oqytýshylardyń eńbek­aqy­syn kóbeıtý máselesi qy­zyqtyrdy. «Nur Otan» partııasy bilim men ǵylymdy tabysty bo­lashaqtyń negizi retinde qa­ras­tyrady. Osy baǵytty ózi­niń «Qazaqstan. 2017 maqsat­ta­ry. Ulttyq is-qımyl jos­pa­ry» saılaýaldy tuǵyrna­ma­sy basymdyqtarynyń biri retinde aıqyndady. Qalalyq Mádenıet úıinde ótken kezdesýge kelgen oqytý­shy­lar men stýdentter aldyn­da sóılegen sózinde «Nur Otan» partııasynyń respýb­lı­kalyq saılaýaldy shtaby­nyń jetekshisi Nurlan Nyǵ­ma­týlın: «Búkil álem tanyǵan tuńǵysh Prezıdentimiz, El­ba­sy Nursultan Ábishuly Nazarbaev bastaǵan damý jolyn jalǵastyrý úshin, halqy­myz­dyń jaǵdaıyn odan ári jaq­sartý úshin, uly maqsattarǵa jetý úshin aldaǵy saılaýda óz daýystaryńyzdy tek «Nur Otan» úshin berińizder», dep atap ótti. «Nur Otan» óz aldyna jýyq aradaǵy bes jylǵa qoıatyn mindetteri qatarynda joǵary, tehnıkalyq jáne kásibı bilimdi keńeıtý, onyń ınfra­qu­rylymyn jańartý, oqytý­shy­lar quramy biliktiligin ba­rynsha arttyrý. Sonymen birge, 3 myńnan asa mektepke deıingi uıymdar, respýblıkalyq jáne jergilikti bıýdjetter esebinen 400-den kem emes mektep qurylysy, muǵalim­der­diń ortasha aılyǵynyń mólsherin jeke sektordaǵy ortasha aılyqtyń mólsherine deıin jetkizý, al Pedagogı­ka­lyq sheberlik ortalyq­ta­ryn­da jáne «О́rken» biliktilikti arttyrý ulttyq orta­lyǵynda biliktilikti arttyrý kýrstarynan ótken jáne biliktilik emtıhanyn tap­syr­ǵan muǵalimderge jalaqyny 30-dan 100 paıyzǵa deıin ulǵaıtý sekildi máseleler bar. Ǵylym salasynda «Nur Otan» partııasy memlekettik shyǵyndar kólemin IJО́-niń 1%-yna deıin jetkizýdi, bıznes pen ýnıversıtetterdi ın­tegrasııalaýdy kózdep otyr. Kezdesýlerge kelgen sol­tústik qazaqstandyqtar «Nur Otan» partııasynyń «Qazaq­stan. 2017 maqsat­tary. Ult­tyq is-qımyl jos­pary» saı­laýaldy baǵdarla­masynda belgilengen basty baǵyttar elimizdi nyǵaıtýǵa jáne qa­zaqstandyqtardyń ál-aýqa­tyn arttyrýǵa jaǵ­daı ja­saı­tynyna senimdi. Sol sebepti olar 2012 jyldyń 15 qańtarynda «Nur Otan» úshin daýys beretin bolady. О́mir ESQALI.