Sábılerdiń qazirgi jaǵdaıy jaqsy. Bir mezette ul men eki qyzdy bosanǵan Keles aýdany Birlik aýylynyń turǵyny Aıajan Tólendi osylaısha 23 jasynda «kúmis alqa» ıegeri atanbaq. Olaı deıtinimiz, baqytty anany úıinde úsh uly kútip otyr.
«12 aptalyǵymda ÝZI-ge baryp tústim. Dárigerler sonda sharananyń úsheý ekenin aıtty. Alǵashqyda senbedim, qatty tańyrqadym. Alla qoldap bilikti dárigerlerdiń arqasynda aman-esen bosanyp aldym. Qazir ózimniń de, balalardyń da jaǵdaıy jaqsy. Úlkenimniń salmaǵy 2 keli 300 gramm bolsa ekinshi sábıdiki 1 keli 900 gramm, al úshinshisi 2 keli boldy»,- deıdi jýrnalısterge aǵynan jarylǵan Aıajan. Perınataldyq ortalyqtyń mamandary jańa bosanǵan anaǵa jeke mebdıke taǵaıyndapty. Úshem aı-kúni jetpeı týylǵandyqtan alǵashqy medısınalyq kómektiń barlyǵy jasalǵan. Sábılerdiń ákesi jeke fırmada jumys isteıtin kórinedi. Tólendi áýleti úshemge Tóráli, Fatıma, Záýre dep at qoıypty.
Aıta keteıik, №1 Túrkistan oblystyq perınataldyq ortalyqta jylyna shamamen 9 myńdaı sábı dúnıege keledi.
Ǵalymjan ELShIBAI,
«Egemen Qazaqstan»
Túrkistan oblysy
