Kásiporynnyń málimetterine qaraǵanda, antısıklon Qazaqstannyń oblystarynyń basym bóligine yqpal etedi, sonyń saldarynan elimizdiń basym bóliginde kún ashyq bolady. Tek eldiń soltústik batysy men soltústiginde azdaǵan jaýyn bolýy yqtımal. Alaıda osy kúni respýblıkanyń keı aımaqtarynda jel kúsheıip, onyń sońy shańdy daýylǵa da ulasýy yqtımal. Túnde jáne tań ata eldiń birqatar aımaqtaryna tuman túsedi. Almaty oblysynyń Jalańashkól aýmaǵynda jeldiń jyldamdyǵy sekýndyna 17-22 metrge, al ekpini 25 metrge jetedi.
Shyǵys Qazaqstan oblysynda keı jerlerde jeldiń jyldamdyǵy sekýndyna 15-20 metrge deıin kúsheıedi, kúndiz jeldiń ekpini sekýndyna 23 metrge jetedi. Túnde jáne tań ata tuman túsedi. Aqmola, Qostanaı, Soltústik Qazaqstan, Pavlodar oblystarynda túnde jáne kúndiz birqatar aımaqtarda tuman túsedi degen boljam bar. Túrkistan, Mańǵystaý jáne Jambyl oblystarynda jeldiń jyldamdyǵy sekýndyna 15-20 metrge jetedi. Jambyl oblysynda jeldiń sońy shańdy daýylǵa ulasýy yqtımal.
Qaraǵandy oblysynda túnde jáne tań ata keı jerlerde tuman túsip jel sekýndyna 18 metr jyldamdyqpen soǵady. Jambyl oblysynda jeldiń jyldamdyǵy sekýndyna 15-20 metrge jetedi, keı jerlerge tuman túsýi yqtımal. Qyzylorda, Túrkistan oblystary men Jambyl, Atyraý, Batys Qazaqstan, Mańǵystaý, Aqtóbe jáne Qaraǵandy oblystarynyń keı jerlerinde órt qaýpi saqtalady.
