Qandastarǵa qarymdy qamqorlyq qajet

Aldaǵy saılaý dodasy aldyndaǵy úgit-nasıhat ju­mystaryna belsene kirisken «Rýhanııat» partııasy bú­gingi kúnge deıin jurt­shy­lyqpen birqatar kezdesýler ótkizip úlgergeni belgili. Jaqynda partııa aty­nan Parlament Májilisine depýtattyqtan úmitkerler atajurtyna kelgen otandas aǵaıyndarmen júzdesti. Bul basqosýǵa «Rýhanııat» par­tııasynyń tóraǵasy Serikjan Mámbetálın qatysty. «Rýhanııat» partııasy qo­ǵamdaǵy ótkir turǵan máse­lelerdi sheshýge múddeli ekendikterin, bul rette qan­­daı qadamdarǵa barýdy kózdeıtindikterin ózderiniń saılaýaldy tuǵyrnamasy arqyly málimdegen bolatyn. Máselen, eldegi barlyq enostyq top ókilderiniń teń quqyn saqtaǵan qazaq ulttyq memleketin qurý – rýhanııat­tyqtar tańdap alǵan basty baǵdar. Saılaýaldy baǵ­dar­la­ma­da kózdelgen máse­le­lerdiń biri – oralmandarǵa, oral­mandardyń basynda kezdesetin kúrmeýli, onyń ishinde materıaldyq máselelerdi sheshýge, shet elderdegi otan­dastarymyzdy elge ákelýge de baǵyttalyp otyr. Bul ret­te, saılaýaldy tuǵyr­na­ma­da: «Kórshi elderdegi biz­diń baýyrlarymyz, birinshiden, qazaqtyń ejelgi ata­qo­nysynda otyrǵan jurt. Kezinde patshalyq Reseı men Keńester Odaǵynyń solaqaı saıasatynyń saldarynan olar basqa eldiń azamattaryna aı­nalyp ketti. Ekinshiden, taǵy da sol patshalyq jáne ke­ńes­tik zorlyqshyl saıasat kesirinen Qazaqstan sheka­rasynan syrtqa asýǵa máj­búr bol­ǵan­dar. Endi biz táýelsizdik alyp, otarlyq buǵaýdan qu­tyl­ǵannan keıin olardyń eli­mizge oralýyn qamta­ma­syz etý – bizdiń azamattyq mindetimiz!» delingen. Sondaı-aq, partııanyń baǵ­darlamasynda: «Mundaı úde­ris­tiń qajettiligi sheteldik tájirıbemen de naqtylan­ǵan. Máselen, Germanııa, Izraıl, Polsha, Reseı sekildi elderde mundaı tájirıbe bar. Eger memleket óziniń qar­jylyq resýrstaryn du­rys baǵytqa bólip turatyn bolsa, oralmandardyń bar­lyq materıaldyq proble­ma­laryn sheshýge múmkindigi bar. Kún sanap qytaıǵa, óz­bek­ke, mońǵolǵa, orysqa aı­na­lyp bara jatqan, Qazaq­stanǵa qaraı usharǵa qanaty bolmaı otyrǵan 5 mıllıonnan astam baýyr­lary­myzdy 5 jylda kó­shirip ákelýge sha­masynyń kelgeninshe at­salysý ár qazaqtyń perzenttik bo­ryshy!» dep atap ótilgen. Qandastarmen ótken bas­qosý kezinde «Rýhanııat» partııasy atynan Parlament Májilisi depýtat­ty­ǵynan úmitker Qaırat Bodaýhan oralmandardyń táý­elsiz Qazaqstannyń saıası, qoǵamdyq jáne rýhanı sa­lalarǵa qosqan úlesterine tıisti baǵa berilýi qajet­tigine aıryqsha toqtalyp ótti. Onyń aıtýynsha, shetel asyp, atajurtyn ańsap jetken qandastarymyz 20 jyldyq asýdy baǵyndy­ryp úlgergen jas, táýelsiz memlekettiń damýyna, jandanýyna belgili bir mólsherde úles qosýda. Láıla EDILQYZY.