Memleket basshysy tatýlastyrý ınstıtýttaryn damytýdy alǵa qoıǵan bolatyn. О́ıtkeni, kóptegen elderde daýlardyń 50-60%-i beıbit jolmen sheshiledi. Búginde Joǵarǵy sot bul jumysty eki baǵytta júrgizýde.
Birinshisi – sotsyz tatýlasý. Bul oraıda ákimderdiń, Qazaqstan halqy Assambleıasynyń, Kásipodaqtar federasııasynyń, Qoǵamdyq damý mınıstrliginiń qoldaýymen tatýlasý ortalyqtary qurylýda. Bular alty oblysta iske qosyldy. Ekinshisi – sottarda tatýlastyrý. Oǵan arnaıy sýdıalar bekitildi. Máselen, Astana qalasy Saryarqa aýdandyq sotynda sondaı sýdıaǵa júgingenderdiń 60%-i ári qaraı sottasýdan bas tartqan.
Taǵy bir mańyzdy is, Joǵarǵy sot Joǵary Sot Keńesimen birge jańa sýdıalardy irikteý júıesin túbegeıli ózgertýde. Sol sekildi sýdıalardyń aýyzsha, jazbasha tilin jetildirý erekshe nazarǵa alyndy. Sebebi Elbasy aıtqandaı, memlekettik qyzmetshiler halyqpen jeńil, túsinikti tilde sóılesýi kerek. Bul mindet sýdıalarǵa da qatysty. Sondyqtan sheshendik óner salasyndaǵy mamandardyń qatysýymen óńirlerde trenıngter ótýde. О́ıtkeni, 1 qyrkúıekten bastap árbir sýdıa eki jańa talapty oryndaýǵa mindetti boldy, ıaǵnı Joǵarǵy sottyń normatıvtik qaýlysymen bekitilgen sot sheshimin, úkimin, qaýlysyn, qurylymyn, sondaı-aq sheshim, úkim jarııalaǵannan keıin nege sondaı qorytyndyǵa kelgenin qarapaıym tilmen túsindirý qajet.
Búginde aqtaý úkimderiniń sany 4 ese kóbeıdi. 2017 jylǵy 6 aıda 28 bolsa, aǵymdaǵy jarty jylda 101. Bul jeke aıyptaý isterin qospaǵanda. Buryn aqtaýlar, negizinen, onsha aýyr emes jáne aýyrlyǵy ortasha ister boıynsha bolsa, qazir jaǵdaı ózgere bastady. Aýyr jáne asa aýyr ister boıynsha aqtaýlar kóp.
Sýdıalardyń VII sezinde Memleket basshysy biryńǵaı sot praktıkasyn qalyptastyrýdy tapsyrǵan bolatyn. Osyǵan sáıkes, sýdıalardyń biryńǵaı sot praktıkasyn ustanýyna sáıkes IT-baǵdarlama ázirlenýde. Kez kelgen adam sotqa barmaı-aq daý boıynsha qandaı sheshim qabyldaýy múmkin ekenin IT júıe arqyly kórip, aldyn ala boljaı alady.
Damyǵan elderdiń basym kópshiligi áldeqashan ákimshilik ıýstısııany engizgen nemese engizýde. Joǵarǵy sot Ádilet mınıstrligimen birge sondaı zańnyń jobasyn ázirlep, ol qujatty basqa memlekettik organdarmen kelisýde. Al ákimshilik ıýstısııanyń mánisi – jeke nemese zańdy tulǵa memlekettik organnyń sheshimimen nemese onyń áreketimen/áreketsizdigimen kelispese, dálel izdeýge mindetti emes. Memlekettik organnyń ózi sotta óziniń sheshimin nemese is-áreketin negizdeýi tıis. Bul eldegi ekonomıkalyq, ınvestısııalyq, bıznes-ahýaldy jaqsartady.
«Egemen-aqparat»
