Jurtshylyqpen júzdesý jalǵasýda

Qazaqstan Kommýnıstik halyqtyq partııasynyń saı­laýaldy úgit-nasıhat ju­mys­tary óńirlerde odan ári keń kólemde jalǵasýda. Keshe Taraz qalasynda QKHP-nyń Jambyl ob­lystyq saılaýaldy shta­by­nyń tusaýkeseri ót­ki­zildi. Osy rásim bary­synda Jambyl oblystyq QKHP shtaby BAQ ókil­de­rimen baspasóz máslıhatyn ótkizip, oblystyq shtabtyń alda atqaratyn ju­mys­tary­men tanystyrdy. Budan buryn habar­lan­ǵanyndaı, Qazaqstan Kommýnıstik halyqtyq partııa­synyń arnaıy úgit-nasıhat poıyzy jasaqtalyp, eli­miz­diń óńirlerin aralaýǵa attanǵan bolatyn. Keshe osy poıyz Pavlodar oblysynyń eldi mekenderine atbasyn tiredi. Atap aıtqanda, Pavlodar qalasynan 20 shaqyrym jerde ornalasqan Qyzyljar aýylynda bolyp, Qazaqstan Kommýnıstik halyqtyq par­tııa­synyń depýtattyqtan úmit­kerleri osy eldi mekendegi qus fabrıkasynyń jumysshylarymen kezdesti. Sondaı-aq úgit-nasıhat poı­yzy quramyndaǵy partııa úgitshileri Pavlodar qa­lasyndaǵy «Kvazar» saýda ortalyǵynda bolyp, kásip­ker­ler jáne tutyný­shy­lar­men kezdesý ótkizdi. Partııa tarapynan depýtattyqqa úmit­kerler qala turǵyn­da­ry­men júzdesý barysynda ózderiniń saılaýaldy baǵ­dar­lamalaryn tilge tıek etip, aldaǵy ýaqytta saılaý­shylar múddesi úshin jan-jaqty qyzmet atqaraty­n­dyq­taryna senim bildirdi. Sol kúni Qazaqstan Kommýnıstik halyqtyq partııa úgit­shileri Pavlodar qala­synda jergilikti buqaralyq aqparat quraldary ókilde­ri­men kezdesip, partııanyń saı­laýaldy tuǵyrnamasy­men tanystyrdy. Caılaýaldy tuǵyrnama men baǵdarlamany astana­lyqtarǵa jetkizý úshin rýpormen qarýlanǵan ekinshi úgit-nasıhat toby túske deıin qalanyń basty kóshe­leri­men júrip ótti. Basty alańdardyń biri – Respýblıka, Jastar shaǵyn aýdanyn aralǵan halyqshyl kommýnıster kerýeni Astananyń basty qaqpasy – temir jol vokzalyna soqty. Jınalǵan jurtty partııanyń tuǵyr­namasymen tanystyryp, kommýnısterge daýys berýge úndegen úgit-nasıhat to­by budan ári Jeńis, Beıbitshilik jáne Jeltoqsan kó­shelerimen júrip ótti. Qazaqstan Kommýnıstik halyqtyq partııasynyń Sol­tústik Qazaqstan obly­syndaǵy úgit júrgizetin toptary da óz jumystaryn aýqymdy kó­lemde uıym­das­tyrýda. Olar oblys or­talyǵynyń bi­lim, máde­nıet jáne tur­mys­tyq qyz­met kórsetý mekemelerinde bolyp, eń­bek­kerlermen kez­desýler ót­kizdi. Keshe oblystyq shtab belsendileri jergilikti merzimdik basylym­dar­dyń jýrnalısterimen júzdesip, ózderiniń saılaý­al­dy úgit-nasıhat ju­mys­ta­rynyń barysy­men ta­nystyrdy. Aldaǵy ýaqytta ob­lys­tyq shtab ókilderi aýyldyq aýdandarǵa shyǵyp, aýyl-aýyldy aralamaq. Jylqybaı JAǴYPARULY.