«Jalpy, byltyr da osyndaı jaǵdaılar tirkelgen bolatyn. Meniń oıymsha, máseleni sheshýge bolady. Tek ata-analarmen túsindirý jumystaryn júrgizý kerek. Bilim jáne ǵylym mınıstriniń oqýshy kımi úlgisi týraly erejesi, buıryǵy bar. Bul qalypty prosess. Álbette, bul másele boıynsha suraqtardyń nelikten týyndap jatqanyn da túsinemin. Osy oraıda dindar adamdardyń tarapynan túsinistik bolar dep úmittemin.
Atap aıtqanda, osy másele boıynsha qazirgi tańda belsendi túrde túsindirý jumysyn qolǵa alǵan Qazaqstan Musylmandary Dinı basqarmasy qoldaý bildirer dep senemin. Biz de jumys júrgizip jatyrmyz. Biraq, aıtarym - bul jerde alyp bara jatqan problema kórip turǵan joqpyn. Jekelegen sátter bar, biz olardy eńseremiz dep oılaımyn», - dedi Qoǵamdyq damý mınıstri Darhan Káletaev.
Aıta keteıik, jaqynda áleýmettik jelilerde Túrkistan oblysy Maqtaral aýdanynda hıdjab kıgen oqýshylardyń mektepke kelgeni týraly vıdeo taraǵan.
