Áýesqoılar arasynda Olımpıada jáne álem chempıony, Azııa oıyndary men qurlyq birinshiliginiń eki dúrkin jeńimpazy atanǵan qandasymyzdy kásipqoı rıngte kúsh synasyp júgenine jarty jylǵa jýyqtap qaldy. Sol aralyqta Danııar úsh kezdesý ótkizip, barlyǵynda jeńiske jetti. Tusaýkeser básekesinde amerıkalyq Noa Kıdti úshinshi raýndta uryp jyqsa, odan keıin Vengrııanyń qos óreni – Zoltan Shabo men Gabor Gorbıchti upaı sanymen utty.
Al Danııar Eleýsinov sharshy alańǵa shyǵatyn keshtiń basty jekpe-jegi ulybrıtanııalyq Bıllı Djo Sonders pen amerıkalyq Demetrıýs Andrade arasynda ótedi. Orta salmaqta judyryqtasatyn bul boksshylardyń ekeýi de myqty. Atap aıtsaq, 29 jastaǵy Tumandy Albıon eliniń ókili 2009 jyldan beri 29 márte sharshy alańǵa shyǵyp, barlyq básekede basymdyq tanytty. 12 kezdesýdi merziminen buryn aıaqtady. Qazirgi kezde Sonders WBO nusqasy boıynsha chempıondyq ataqty ıelenip otyr.
Kezinde áýesqoılar arasynda álem chempıony atanǵan Andradeniń de kásipqoı boksty serik etkenine 10 jylǵa jýyqtap qaldy. Sodan beri 25 báseke ótkizgen AQSh-tyń 30 jastaǵy sańlaǵy sol kezdesýlerdiń barlyǵyn jeńispen aıaqtady. 16 qarsylasyn ol nokaýtqa jiberdi.
Ǵalym SÚLEIMEN,
«Egemen Qazaqstan»
