Tıisti zańnamaǵa ózgeris engiziledi

Turǵyn úı-kommýnaldyq sha­rýa­shylyq salasyna qatys­ty zań­namany jetildirý másele­lerine arnalǵan baspasóz jıynyna Qurylys jáne turǵyn úı-kommýnaldyq sharýashylyq salasyn damytý departamentiniń, Qu­rylys jáne turǵyn úı-kom­mý­­nal­dyq sharýashylyq isteri komıteti men «TKSh QazOrtalyǵy» AQ ókil­deri qatysty.

Qurylys jáne turǵyn úı-kommýnaldyq sharýashylyq salasyn damytý departamenti dı­rektorynyń orynbasary Mar­ǵulan Ábdikárimovtiń aıtýynsha, bul salany reformalaý maqsatynda mınıstrlik «Qazaqstan Respýblıkasynyń tur­ǵyn úı-kommýnaldyq sharýa­shylyq máseleleri jónindegi keıbir zańnamalyq aktilerine ózgerister men tolyqtyrýlar engizý týraly» zań jobasyn ázirlegen.

Bul qujatta úsh Kodeks pen 12 zańǵa ózgeris engizý kózdelgen. Onyń ishinde birneshe túbegeıli túzetýlerdi atap ótýge bolady. Birinshiden, ár kóppáterli úıde menshik ıeleriniń birlestigin kom­mersııalyq emes uıym túrin­de qurý arqyly basqarý organ­dary­nyń qyzmetin retteý qaras­ty­rylǵan. Ekinshiden, páter ıe­leri men jergilikti atqarý­shy or­­gan­­­­dar­­dyń, basqarý organ­dary­­nyń, me­ned­­jerler men ser­vıs­­tik kom­­pa­­nı­ıa­lardyń ózara qarym-qaty­na­syn retteý úshin turǵyn úı qory men turǵyn úı-kom­mý­nal­dyq sharýa­shylyqtyń biryńǵaı aqpa­rat­tyq júıesi qurylmaq. Úshin­shisi – eksplýata­sııalyq shyǵyn­dar­dyń eń tómen mólsherin bel­gi­leý. Sondaı-aq turǵyn úı­ler­­di aǵym­­daǵy jáne kúrdeli jón­­deý ju­­m­yst­aryna qarjy jın­aý te­­tik­­terin reglamentteý jaıy, jer­gilikti atqarýshy organ­dar­dyń óki­lettikterin keńeıtý jáne turǵyn úı-qurylys koope­ra­tıv­­­teriniń qyzmetterin retteý má­­se­­lelerine túzetýler qarastyrylǵan.

«Turǵyn úı qatynastary týraly» zań jobasynyń negizgi jańalyqtarynyń biri tur­ǵyn úı qory men turǵyn úı-kom­mýnal­dyq sharýashylyǵyna biryńǵaı aqparattyq júıeni engizý. «TKSh QazOrtalyǵy» AQ tóraǵasynyń orynbasary Meıirjan Maıkenov bul júıe TKSh salasynda biryń­­­­ǵaı aqparattyq keńistikti qa­lyp­­tas­tyrýǵa múmkindik bere­tinin atap ótti, ıaǵnı qyzmet kór­setýshi kompanııa men turǵyn úı ıeleri arasyndaǵy ózara qa­rym-qatynastyń ashyqtyǵyn qam­­ta­masyz etedi. Sondaı-aq olar­­­dyń qarajatty jumsaýyn jáne basqarýshy kompanııalar men energııamen jabdyqtaýshy kásip­oryndardyń qyzmetin ba­qy­laıdy. Barlyq alynǵan aqpa­rattar salany tıimdi basqarý úshin memlekettik deńgeıde taldanady jáne halyqtyń ómir súrý deńgeıi men sapasyna tikeleı áser etpek.

Zań jobasy Májiliske osy qyrkúıek aıynda engizilmek.

Dınara BITIK,

«Egemen Qazaqstan»