Qazaqstan Respýblıkasy Úkimetiniń qaýlysy №1312

2011 jylǵy 9 qarasha,   Astana, Úkimet Úıi Esirtki quraldary, psıhotroptyq zattar jáne prekýrsorlar aınalymy salasyndaǵy obektiler men úı-jaılardy paıdalaný qaǵıdalaryn bekitý týraly «Qazaqstan Respýblıkasynyń ishki ister organdary týraly» Qazaqstan Respýblıkasynyń 1995 jylǵy 21 jeltoqsandaǵy Zańyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Esirtki quraldary, psıhotroptyq zattar jáne prekýrsorlar aınalymy salasyndaǵy obektiler men úı-jaılardy paıdalaný qaǵıdalary bekitilsin. 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy 9 qarashadaǵy №1312 qaýlysymen bekitilgen Esirtki quraldary, psıhotroptyq zattar men prekýrsorlar aınalymy salasyndaǵy obektiler men úı-jaılardy paıdalaný qaǵıdalary 1. Osy Qaǵıdalar «Qazaqstan Respýblıkasynyń ishki ister organdary týraly» 1995 jylǵy 21 jeltoqsandaǵy jáne «Esirtki, psıhotroptyq zattar, prekýrsorlar jáne olardyń zańsyz aınalymy men teris paıdalanylýyna qarsy is-qımyl sharalary týraly» 1998 jylǵy 10 shildedegi Qazaqstan Respýblıkasynyń zańdaryna (budan ári – Zań) sáıkes ázirlendi jáne Zańǵa sáıkes Qazaqstan Respýblıkasynda baqylaýǵa jatatyn Esirtki quraldary, psıhotroptyq zattar men prekýrsorlar tiziminiń esirtki quraldarynyń, psıhotroptyq zattar men prekýrsorlardyń (budan ári – esirtki quraldary, psıhotroptyq zattar men prekýrsorlar) aınalymy salasyndaǵy obektiler men úı-jaılardy paıdalaný tártibin aıqyndaıdy. 2. Qazaqstan Respýblıkasynyń aýmaǵynda esirtki quraldarynyń, psıhotroptyq zattar men prekýrsorlardyń aınalymy salasyndaǵy qyzmettiń barlyq túrlerin Zańnyń 19 jáne 20-baptarynda kózdelgen jaǵdaılardy qospaǵanda, tıisti lısenzııa alǵannan keıin jeke menshik nysanyna qaramastan zańdy tulǵalar júzege asyrady. 3. Esirtki quraldarynyń, psıhotroptyq zattar men prekýrsorlardyń aınalymy salasyndaǵy obektiler men úı-jaılardy paıdalanýǵa ruqsatty esirtki quraldarynyń, psıhotroptyq zattar men pre­kýr­sorlardyń zańsyz aınalymyna qarsy kúresti júzege asyratyn ýákiletti memlekettik organ beredi. Osy Qaǵıdalarǵa qosymshaǵa sáıkes tehnıkalyq nyǵaıtylý talaptaryna, sanıtarlyq normalar men erejelerge, sondaı-aq órtke qarsy qaýipsizdik sharttaryna sáıkes bolǵan jaǵdaıda obektiler men úı-jaılardy esirtki quraldarynyń, psıhotroptyq zattar men prekýrsorlardyń aınalymy salasynda paıdalanýǵa jol beriledi. 4. Esirtki quraldarynyń, psıhotroptyq zattar men prekýrsorlardyń aınalymy salasyndaǵy obektiler men úı-jaılar úsh topqa bólinedi: 1) birinshi top – esirtki quraldaryn, psıhotroptyq zattardy óndirýshi kásiporyndar, dáriha­na­lar, synaq zerthanalary, ǵylymı-zertteý ınstıtýttary, kóterme saýda kásiporyndary, esirtki qural­da­ry, psıhotroptyq zattar aınalymy salasynda qyzmetti júzege asyratyn densaýlyq saqtaý sýbektileri; 2) ekinshi top – quramynda esirtki bar ósimdikterdi ósirý men daıyndaý jónindegi obektiler; 3) úshinshi top – prekýrsorlardy óndirýshi jáne/nemese kóterme saýdany júzege asyrýshy, sondaı-aq olardy óziniń óndiristik qyzmetinde paıdalanatyn kásiporyndar. 5. Esirtki quraldary, psıhotroptyq zattar jáne prekýrsorlar aınalymy salasyndaǵy obektiler men úı-jaılardy josparlaý: 1) qolda bar esirtki quraldaryn, psıhotroptyq zattardy jáne prekýrsorlardy, sondaı-aq olardan daıyndalǵan ónimniń saqtalýyn; 2) tehnologııalyq baılanysqan úı-jaılar arasyndaǵy qysqa araqashyqtyǵy bar úderis­tiń aǵynyn; 3) tehnologııalyq aǵyndar jolynyń kesilýin boldyrmaýdy; 4) tazalyq dárejesi birdeı úı-jaılardy barynsha toptastyrýdy; 5) bastapqy shıkizattyń, jartylaı daıyn ónimder men daıyn ónimderdiń alýan túrleri men serııalarynyń aralasyp ketýin boldyrmaýdy; 6) bastapqy shıkizatty, jartylaı ónimder men daıyn ónimderdi qozǵaǵan kezde lastanýdan qorǵaýdy qamtamasyz etýge tıis. 6. Esirtki quraldarynyń, psıhotroptyq zattardyń, prekýrsorlardyń aınalymy salasyndaǵy obektiler men úı-jaılardy ǵımarattyń japsarlas konstrýksııalarynyń bútindigin buzýǵa nemese qıratýǵa, qasbettiń saqtalýy men syrtqy bóliginiń nasharlaýyna, órtke qarsy normalardyń buzylýyna ákep soǵatyn qaıta jabdyqtaýǵa jáne qaıta josparlaýǵa jol berilmeıdi. 7. Esirtki quraldary, psıhotroptyq zattar men prekýrsorlar aınalymy salasyndaǵy obektiler men úı-jaılarǵa ruqsat olarmen tikeleı jumys jasaıtyn adamdarǵa beriledi. Baqylaýdaǵy zattarmen jumys isteýge ruqsaty bar adamdardyń tizimi ishki ister organdarymen kelisilgennen jáne olardyń nashaqorlyqpen, ýytqumarlyqpen jáne sozylmaly maskúnemdikpen aýrýynyń joqtyǵy týraly dárigerlerdiń (psıhıatr men narkologtyń) qorytyndysyn alǵannan keıin zańdy tulǵa basshysynyń buıryǵymen bekitiledi. 8. Esirtki quraldary, psıhotroptyq zattar men prekýrsorlar aınalymy salasyndaǵy úı-jaılar jumys kúni aıaqtalǵannan keıin mórlenedi nemese plombalanady. Kiltter, mór nemese plombır zańdy tulǵa basshysynyń buıryǵymen taǵaıyndalatyn jaýapty adamda saqtalady. 9. Zańdy tulǵanyń basshysy osy Qaǵıdalardyń saqtalýyna derbes jaýapty bolady. Esirtki quraldary, psıhotroptyq zattar men prekýrsorlar aınalymy salasyndaǵy obektiler men úı-jaılardy paıdalaný qaǵıdalaryna qosymsha Esirtki quraldary, psıhotroptyq zattar men prekýrsorlar aınalymy salasyndaǵy obektiler men úı-jaılardyń tehnıkalyq nyǵaıtylýyna qoıylatyn talaptar 1. Birinshi top obektilerine qoıylatyn tehnıkalyq  nyǵaıtý talaptary 1. Keminde 500 mm qalyńdyqta kirpishten nemese tastan qalanǵan, keminde 200 mm qalyńdyqta beton qabyrǵa bloktarynan nemese qalyńdyǵy 90 mm eki qabat beton tastardan nemese 180 mm qalyńdyqta temirbeton panelderinen salynǵan irgeli syrtqy qabyrǵalar, jabyndar, qalqalar. 2. Irgeli syrtqy qabyrǵalarǵa uqsas jasalǵan nemese árqaısysynyń aralaryna dıametri 10 mm kem emes jáne tor kózderiniń kólemi 150h150 mm kem emes armatýradan nemese metall tormen armatýralanǵan 120 mm kem emes qalyńdyqta kirpish qalanǵan metall torlar salynǵan 80 mm qalyńdyqta qosarlanǵan gıpsobeton panelderinen jasalǵan ishki qabyrǵalar (qalqalar). 3. Joǵaryda kórsetilgen talaptarǵa saı kelmeıtin jaýap bermeıtin syrtqy qabyrǵalar, jabyndar, edender jáne qalqalar ishki jaǵynan barlyq aýdan boıynsha dıametri keminde 10 mm armatýraly metall torlarmen jáne mólsheri 150h150 mm-den aspaıtyn uıalarmen nyǵaıtylyp, sodan soń sylaqpen sylanýǵa tıis. Torlar qabyrǵaǵa berik jasalǵan tereńdigi 80 mm dıametri 12 mm bolat ankerlermen (beton tegis betterge 4 dıýbelmen atqylanyp, 100h50h6 mm bolat jolaqshalar salynatyn detaldarǵa) 500h500 mm aspaıtyndaı aralyqta dánekerlenedi. 4. Kiretin esikter aqaýsyz, esik qorabyna dálme-dál kirip turǵan, tutas, qalyńdyǵy keminde 40 mm bolýy, bir-birinen keminde 300 mm aralyqta ornatylǵan oıyqty, ózdiginen jabylyp qalmaıtyn eki qulpy bolýy tıis. 5. Aýlaǵa, tuıyq kóshege shyǵatyn esikter, qosalqy esikter eki jaǵynan qalyńdyǵy keminde 0,6 mm qańyltyr bolatpen ádiptelip, tósemniń ishki betkeıine nemese búıirine qatty jabylatyndaı ıilip kelgen bolýy tıis. Qańyltyrlar tósemniń perımetri men dıagonaldary boıynsha dıametri 3 mm, uzyndyǵy 40 mm jáne 50 mm-den aspaıtyn aralyqta shegelermen bekitiledi. 6. Obektiler úı-jaılarynyń esik oıyǵyn (esik qorabyn) jıekteýdi bolat pishimmen oryndaǵan jón. Bolat qadaqtardyń (iri shegelerdiń) kómegimen bekitilgen dıametri keminde 10 mm, uzyndyǵy keminde 120 mm bolatyn 30h40h5 mm bolat buryshpen kúsheıtilgen aǵash qoraptardy paıdalanýǵa ruqsat etiledi. 7. Úı-jaılardyń tereze oıyqtary ishki jaǵynan nemese jaqtaýlary arasynan tiginen jáne kóldeneńinen 150 mm-den aspaıtyndaı dıametri keminde 16 mm bolat taıaqshalardan jasalǵan torlarmen jabdyqtalady. Tor taıaqshalarynyń ushtary keminde 80 mm tereńdikke kirip turady jáne oǵan beton quıylady. 8. Beriktigi jaǵynan joǵaryda kórsetilgen torlardan kem túspeıtin dekoratıvti torlardy nemese jalıýzderdi qoldanýǵa jol beriledi. 9. Esirtki quraldaryn, psıhotroptyq zattar men prekýrsorlardy saqtaýǵa arnalǵan ishki úı-jaılar basqa uıymdardyń úı-jaılarymen, tehnıkalyq úı-jaılarmen, dálizdermen jáne t.b. shektespeýi tıis. 10. Úı-jaılarǵa ótýge bolatyn shatyr lıýkterine, jeldetkish shahtalaryna, órt baspaldaq­taryna, tóbelerge, kúnqaǵarlarǵa shyǵatyn dálizder men úı-jaılardyń tereze oıyqtary qabatyna qaramastan ishki jaǵynan ashylatyn metall torlarmen jabdyqtalýy tıis. 11. Qazaqstan Respýblıkasynda baqylaýǵa jatatyn Esirtki quraldary, psıhotroptyq zattar men prekýrsorlar tiziminiń (budan ári – Tizim) I, II, III kestelerindegi esirtki quraldary, psıhotroptyq zattar saqtalatyn úı-jaılar kúzet qyzmetin júzege asyrýshy sýbekt pýltterine qosylǵan kúzet, órt jáne dabyl belgilerimen jabdyqtalady. 12. Kúzet dabylynyń birinshi shebimen ǵımarattar, úı-jaılar perımetrleriniń qurylys konstrýksııalary – syrt jaǵynan ishke enýge bolatyn tereze jáne esik oıyqtary, jeldetkish arnalary, jylý joldary men úı-jaıdyń basqa da elementteri qorǵalady. 13. Esikter «ashýǵa» jáne «buzyp kirýge» qarsy jabdyqtalady. Terezeler «ashý» jáne «buzý» dabylymen qorǵalady. Kúrdeli emes qabyrǵalar, tóbeler, qalqalar, kommýnıkasııalar engizilgen jerler «syndyrýǵa» qarsy jabdyqtalady. Irgeli qabyrǵalar, jeldetkish qoraptar – «buzýǵa» jáne «soqqymen áser etýge» qarsy jabdyqtalady. 14. О́ndirýshi kásiporyndardyń óndiristik ǵımarattaryna irgeles aýmaqtardaǵy qorshaýlar: 1) birinshi top obektileriniń perımetri boıynsha adamdar men kólikterdiń baqylaý-ótkizý pýnktterin aınalyp ótip, bir obektiden ekinshi obektige ótýine kedergi jasaýy kerek; 2) baqylaýdyń jáne kúzetýdiń tehnıkalyq quraldaryn paıdalanýǵa kedergi jasamaıtyndaı, burylyssyz, túzý syzyqtyń boıymen júrgizilýi tıis; 3) ótkizý rejımi bar obekti aýmaǵynyń syrtqy qorshaýynyń bıiktigi keminde 2,5 metr bolýy kerek; 4) kúzetti kúsheıtý úshin syrtqy qorshaýdyń joǵarǵy bóligine 3-4 qatar tiken symdar ornatylady; 5) syrtqy qorshaýda ótetin qýystar, qıraǵan tustar men basqa da buzylýlar, jabylmaıtyn esikter, qaqpalar, qaqpashalar jáne t.b. bolmaýy tıis. 15. О́ndirýshi kásiporyndar, synaq zerthanalary, ǵylymı-zertteý ınstıtýttary ǵımarattaryna, kóterme saýda kásiporyndary – adamdar men ruqsat etilgen kólik túrlerin ótkizýge arnalǵan baqylaý-ótkizý pýnktterimen (budan ári – BО́P) jaraqtalýy qajet. 16. BО́P mindetti túrde jumysshylar men qyzmetkerlerdiń jeke zattary saqtalatyn bólmemen, tekserý bólmesimen, kúzet qyzmetkerlerin, kúzettiń tehnıkalyq quraldaryn (konsentrattar, pýltter, kúzettik teledıdardyń beınebaqylaý qurylǵylary jáne t.b.) ótkizýdi (ótetin jerdi) ashatyn tetikterdi jáne kúzettik jaryqty basqaratyn qurylǵylardy, sondaı-aq ótkizý rejımin retteıtin (avtomattandyrylǵan nemese qolmen basqarylatyn mehanıkalyq qurylǵylardy, týrnıkterdi, qaqpashalardy jáne t.b.), sondaı-aq qajet bolǵan jaǵdaıda tekserýdiń qolmen júrgiziletin stasıonarlyq quraldary ornalastyrylatyn úı-jaımen jabdyqtalýy kerek. 17. Kólik quraldaryna arnalǵan BО́P elektr jyljytqyshy men qashyqtyqtan basqarǵyshy, apattyq toqtatý jáne qolmen ashý qurylǵysy bar jyljymaly nemese aıqara ashylatyn tıptik qaqpalarmen jabdyqtalady. Qaqpalardyń ózdiginen ashylýyn (qozǵalýyn) boldyrmaý úshin shekteýishtermen nemese toqtatqyshpen jabdyqtalady. Qaqpalardy basqarý pýlti BО́P-te nemese onyń syrtqy qabyrǵasynda ornalasýy qajet. Sońǵy jaǵdaıda pýltke bógde adamdarǵa ruqsat berilmeýi kerek. 18. Tizimniń I Kestesi men II Kestesindegi esirtki quraldary, psıhotroptyq zattar birinshi toptaǵy obektilerde saqtaýǵa arnalǵan arnaıy úı-jaılarda (budan ári – qoımalarda) saqtalady. 19. Qoıma kúrdeli ǵımarattyń ishinde ornalasýy tıis. Qoımalardyń qabyrǵalary qalyńdyǵy keminde 380 mm kirpishten qalanady. Beriktigi kirpishke teń nemese odan da joǵary temirbeton qabyrǵalardy qoldanýǵa bolady. Kúrdeli ishki qabyrǵalar, sondaı-aq qabyrǵany jasyryn qıratý múmkindigi bolmaıtyn jaǵdaıda ǵımarat jertóleleriniń, úshinshi jáne odan joǵary qabattarynyń syrtqy qabyrǵalary bir mezgilde qoımanyń da qabyrǵalary bola alady. Qoımalardyń qabyrǵalary osy uıym úı-jaılarynyń qabyrǵalarymen japsarlas bola alady. 20. Qoımalardyń ish jaǵynan qalyńdyǵy keminde 200 mm qorshaý qabyrǵalarǵa janasatyn beton qaptama ornalastyrylady. 21. Qoımanyń astyndaǵy irgetas qalyńdyǵy keminde 600 mm tutas betonnan nemese tas qalaýdan jasalady. Irgetas pen temirbeton qaptama arasynan gıdrooqshaýlaǵysh kózdelýi tıis. Tehnıkalyq jertóleler nemese qandaı da bir úı-jaılar qurylǵylaryn qoıma etýge jol berilmeıdi. 22. Qalyńdyǵy 200 mm ishki birtutas temirbeton qaptama, syrtqy bólgish plıta (jabý) qoımalardyń bólgish konstrýksııalary bolyp tabylady. Bul oraıda tóbeniń temirbeton qaptamasyna ǵımarat bólgishteriniń (jabýlarynyń) salmaǵy túspeýi tıis. 23. Bir qabatty ǵımarattar úshin, sondaı-aq qoıma ǵımarattyń sońǵy qabatynda ornalasqanda, qoımanyń joǵary qaptamasy bólý (jabý) plıtasynan 250 mm alshaq tóselip, qoımanyń aldyńǵy bóligi jaǵynan qadaǵalaý úshin ashyq bolýy tıis. 24. Temirbeton bólgishi bar ǵımarattarda, bólgish qabyrǵalary boıynsha sol uıymǵa qarasty astyńǵy jáne ústińgi úı-jaılarmen janaspaly qoımalardy qosymsha qorshaý konstrýksııalarymen jabdyqtalmaıdy bolady. 25. Qoımanyń aldyńǵy bólikten ótetin bir ǵana kiretin esigi bolýy kerek. Qoımaǵa tereze jasaýǵa jol berilmeıdi. 26. Qoıma esikteri eki jaǵynan 0,6 mm kem emes qańyltyrmen qaptalady. Esik oıyǵynda qoımanyń ishine qaraı ashylatyn qosymsha metall torly esik ornatylady. Torly metall esikter dıametri keminde 16 mm bolat taıaqshalar, 150h150 mm aspaıtyn torkózder quraıtyndaı etilip daıyndalady jáne árbir túıisken tustary dánekerlenedi. 27. Qoımalar mindetti túrde árbir shebi ortalyqtandyrylǵan baqylaý pýltiniń jeke nómirlerine qosyla otyryp, kópshepti kúzet belgisi júıelerimen jabdyqtalýy tıis. 28. Tizimniń I jáne II Kestelerindegi esirtki quraldary, psıhotroptyq zattarmen operasııalar júrgizetin personaldyń jumys oryndary ishki ister organdarynyń kezekshi bólimderine dabyl belgilerin berýge arnalǵan dabyl belgilerimen jabdyqtalady. 29. Stasıonarlyq kómek kórsetetin densaýlyq uıymdarynyń bólimshelerinde esirtki quraldaryn, psıhotroptyq zattar men prekýrsorlardy saqtaý aǵa (bas) medısınalyq bıkeniń kabınetinde júzege asyrylady. 2. Ekinshi top obektilerine qoıylatyn tehnıkalyq nyǵaıtý talaptary 30. Ekinshi top obektileri men úı-jaılardy tiken symdarmen qorshap kúzet oryndary men utqyr patrýlder qoıý qajet. 31. Kúzet ornynyń ortalyǵy baqylaý júrgizýge jáne quqyq buzýshylyqtardyń aldyn alý, jolyn kesý sharalaryn jyldam qabyldaýǵa neǵurlym qolaıly jerge ornatylady. Kúzet ornynyń ortalyǵynan shekaralardyń qashyqtyǵy 300 metrden aspaýy kerek. 32. Patrýlge qyzmet ótkerýi úshin patrýl jasaý baǵyty belgilenip, patrýl júretin negizgi baǵyttyń shekarasyna kórýge jáne estýge bolatyn shektegi aýmaqtar kirgiziledi. Patrýldeý baǵytynyń eni osy ýchaskedegi jedel jaǵdaıyn eskere otyryp, naqty jaǵdaılarǵa baılanysty sol ýchaskede belgilenedi. 33. Patrýl baǵytynyń qashyqtyǵy avtokóliktegi patrýlge – 6 km, motosıkldegi patrýlge – 3 km, velosıped pen atty patrýlge – 2 km, jaıaý patrýlge – 1 km aspaýy kerek. Patrýlderge arnalǵan baǵyt qashyqtyǵy jedel jaǵdaıǵa baılanysty, biraq belgilengen normanyń 25 paıyzynan asyrylmaı uzartylýy nemese qysqartylýy múmkin. 34. Quramynda esirtkiler bar ósimdikter ósiriletin jáne jınalatyn obektiler adamdar men ruqsat etilgen kólik túrlerin ótkizýge arnalǵan BО́P-pen jabdyqtalýy qajet. 35. BО́P sany barynsha az bolýy jáne adamdar men kólikterdi ótkizýdiń qajetti qabilettiligin qamtamasyz etýi tıis. 36. BО́P mindetti túrde tekserý bólmesimen, kúzet qyzmetkerlerin, kúzettiń tehnıkalyq quraldaryn (konsentrattar, pýltter, kúzettik televızııanyń beıne baqylaý qurylǵylary jáne t.b.), ótkizýdi (ótetin jerdi) ashatyn tetikterdi jáne kúzettik jaryqty basqaratyn qurylǵylardy, sondaı-aq ótkizý rejımin retteıtin (avtomattandyrylǵan nemese qolmen basqarylatyn mehanıkalyq qurylǵylardy, týrnıkterdi, qaqpashalardy jáne t.b.), sondaı-aq qajet bolǵan jaǵdaıda tekserýdiń qolmen júrgiziletin stasıonarlyq quraldary ornalastyrylatyn úı-jaımen jabdyqtalýy tıis. 37. Kólik quraldaryna arnalǵan BО́P ózdiginen ashylýyn (qozǵalýyn) bolǵyzbaıtyn shektegishtermen nemese qysqyshtarmen jabdyqtalatyn jyljymaly nemese aıqara ashylatyn tıptik qaqpalarmen jabdyqtalady. Avtokólikterdi tekserýge arnalǵan tekserý alańdary nemese estakadalar jabdyqtalady. 38. Quramynda esirtki bar ósimdikterdiń tehnologııalyq úderisteri (keptirý) men saqtalýy kúzet qyzmetiniń kúzet sýbektilerine jatatyn aýmaqtarda nemese ýchaskelerde júzege asyrylýy tıis. 39. О́ndiristik úı-jaılar, esirtki quraldaryn, psıhotroptyq zattar men prekýrsorlardy, sondaı-aq olardy óńdeýden alynǵan ónimderdi saqtaýǵa arnalǵan úı-jaılar jumys aıaqtalǵannan keıin qulyptalýy jáne mórlenýi kerek. 40. Tizimniń II jáne III Kestesinde kózdelgen esirtki quraldary, psıhotroptyq zattar, olardy óńdeý arqyly alynǵan ónimder mórlengen seıfterde saqtalady. 41. Tizimniń II, III, IV Kestesinde kózdelgen esirtki quraldary, psıhotroptyq zattar men prekýrsorlardy jáne olardy óńdeý arqyly alynǵan ónimderdi kúzet qyzmetiniń kúzet sýbektileri mindetti kúzetýge tıis. 42. Obektiler kúzet, órt jáne dabyl sıgnalızasııasymen jabdyqtalýǵa tıis. 3. Úshinshi top obektilerine qoıylatyn tehnıkalyq nyǵaıtý talaptary 43. Úshinshi top obektileri men úı-jaılarynda Tizimniń IV Kestesindegi prekýrsorlardy kásiporyn aýmaǵyndaǵy tehnologııalyq qural-jabdyqtardyń bir bóligi bolyp tabylatyn ydystarda, plombalanǵan konteınerlerde, sısternalarda, oǵan tıesili temir jol tuıyqtaryndaǵy jáne kúzetiletin óndiristik úı-jaılarǵa jaqyn ornalasqan temir jol vagondarynda tehnıkalyq nyǵaıtýdyń qosymsha elementterin uıymdastyrýsyz saqtaýǵa jol beriledi. Obektilerge irgeles aýmaqtardy qorshaý mynadaı talaptarǵa sáıkes bolýy tıis: 1) adamdar men kólikterdiń baqylaý-ótkizý pýnktterin aınalyp ótip, bir obektiden ekinshi obektige ótýine kedergi jasaýy kerek; 2) qorshaý baqylaýǵa nemese kúzetýdiń tehnıkalyq quraldaryn paıdalanýǵa kedergi jasamaıtyndaı, túzý syzyqtyń boıymen artyq burylystarsyz júrgizilýi tıis; 3) syrtqy qorshaýda ótetin qýystar, qıraǵan tustar men basqa da buzylýlar, jabylmaıtyn esikter, qaqpalar, qaqpashalar jáne t.b. bolmaýy tıis. 44. Obektiler adamdar men kólikti ótkizý úshin BО́P-pen jaraqtalýy qajet. 45. Kólik quraldaryna arnalǵan BО́P elektr jyljytqyshy men qashyqtyqtan basqarǵyshy, apattyq toqtatý jáne qolmen ashý qurylǵysy bar jyljymaly nemese aıqara ashylatyn tıptik qaq­palarmen jabdyqtalady. Qaqpalardyń ózdiginen ashylýyn (qozǵalýyn) boldyrmaý úshin shekteýishtermen nemese toqtatqyshtarmen jabdyqtalady. Qaqpalardy basqarý pýlti BО́P-te nemese onyń syrtqy qabyrǵasynda ornalasýy qajet. Sońǵy jaǵdaıda pýltke bógde adamdarǵa ruqsat berilmeýi kerek. 46. Kúzetiletin aýmaqtyń ishki jáne syrtqy jaryǵy bolýy tıis. 47. Obektiler kúzet sıgnalızasııasymen jabdyqtalýy tıis.