Ekijaqty saýda aınalymy kólemin ulǵaıtý, ınvestısııalyq yntymaqtastyqty keńeıtý úshin aıtarlyqtaı áleýettiń bar ekendigi atap kórsetildi.
Qazaqstan Elshisi bizdiń elimizdiń ınvestısııalyq saıasatynyń negizgi baǵyttary, Grýzııa úkimeti basshysy tarapynan qoldaý tapqan «Kazakh Invest» kompanııasynyń Tbılısıde óz ókildigin ashý jospary týraly áńgimeledi. Dıplomat sondaı-aq bıyl qyrkúıektiń sońynda Tbılısıde ótkiziletin qazaqstandyq kásipkerlerdiń Saýda mıssııasynyń ekijaqty saýda qarqynyn qoldaý úshin asa mańyzdy ekendigin atap kórsetti. Grýzın tarapyna «Astana» Halyqaralyq qarjy ortalyǵy men Jasyl tehnologııalar jáne ınvestısııalyq jobalardy damytýdyń halyqaralyq ortalyǵynyń qyzmeti týraly aqparat berildi.
M. Bahtadze Qazaqstan jáne Grýzııa ekonomıkalarynyń múmkindikterin eskerip, energetıka jáne tranzıt-kóliktik salalardaǵy yntymaqtastyqty damytýdyń mańyzdylyǵyn atap kórsetti. Ol sondaı-aq eki eldiń «jasyl tehnologııalar» salasynda, zııandy qaldyqtardy joıý máselelerinde yntymaqtastyqty damytýǵa múddelilik bildirdi.
Grýzııanyń Premer-mınıstri eki eldiń astanalary men iri qalalary arasyndaǵy áýe qatynasynyń jıiligine qanaǵattanýshylyq bildirip, sonymen qatar Qazaqstannan eýropalyq elderge qosymsha reıster ashýda grýzın tarapynyń múmkindikterin paıdalanýǵa daıyndyǵyn jetkizdi.
Saýda-ekonomıkalyq, mádenı-gýmanıtarlyq, ınvestısııalyq jáne týrıstik salalardaǵy ózara tıimdi yntymaqtastyqty odan ári damytýǵa qajetti barlyq sharalardy qabyldaýǵa nıet bildirildi.
