Ulttyq ekonomıka mınıstri T. Súleımenovtyń, qarjy mınıstri B. Sultanovtyń baıandamalaryn tyńdaǵannan keıin, Premer-Mınıstr Baqytjan Saǵyntaev bıýdjettik qarajattar eleýli somada ıgerilmeı qalǵan mınıstrlikterge talap qoıdy. Máselen, Qorǵanys mınıstrliginde respýblıkalyq bıýdjetten bólingen, ıgerilmegen qarajat somasy — 15,4 mlrd teńge, Mádenıet jáne sport mınıstrliginde — 11,1 mlrd teńge, Aýyl sharýashylyǵy mınıstrliginde — 10,9 mlrd teńge, Ishki ister mınıstrliginde — 9,5 mlrd teńge, Aqparat jáne kommýnıkasııalar mınıstrliginde — 5,7 mlrd teńge.
«Bul óte úlken qarajat somasy, bul aqshaǵa kóptegen mektep, aýrýhana, balabaqsha salyp, joldardy jóndeýge bolady. Bul qarajattar ýaqytyly ıgerilýi tıis», — dep Premer-Mınıstr, ıgerilmegen qarajattar vedomstvolardyń teńgeriminen alynyp, memlekettik jáne salalyq baǵdarlamalardy iske asyrýǵa qaıta baǵyttalatynyn atap ótti.
Ekonomıkalyq ósim kórsetkishterine qol jetkizilmegen óńirlerge de jekeleı nazar aýdaryldy.
Qyzylorda oblysynyń ákimi Q. Kósherbaev 2018 j. segiz aıynda respýblıkalyq bıýdjet qarajattary 90%-ǵa ıgerilip, ıgerilmegen soma 2,9 mlrd tg quraǵanyn málimdedi.
Túrkistan oblysynyń ákimi J. Túımebaev 1,9 mlrd tg somasynda respýblıkalyq bıýdjetten bólingen, ıgerilmegen maqsatty transfertter týraly baıandady.
Batys Qazaqstan oblysynyń ákimi A. Kólginovtyń aıtýynsha, jyl basynan beri ónerkásip boıynsha turaqty teris mán baıqalatynyn atap ótti. Sonymen qatar, maýsym aıynan bastap onyń teris máni artýda. Respýblıkalyq bıýdjetten bólingen maqsatty transfertterdiń ıgerilmeý somasy 1,4 mlrd tg qurady.
Pavlodar oblysynyń ákimi B. Baqaýov óńirdegi ıgerilmegen maqsatty transfertter somasy 1,3 mlrd tg quraǵanyn aıtty.
Soltústik Qazaqstan oblysynyń ákimi Q. Aqsaqalov 2 mln tg astam aınalymy bar ShOB sany 10 887 birlikti nemese oblystyǵy jalpy jumys istep turǵan ShOB-tiń 38% quraǵanyn, bul jalpy respýblıkalyq mánnen 9,9%-ǵa joǵary ekenin málimdedi. Sonymen qatar, respýblıkalyq bıýdjetten bólingen maqsatty transfertterdiń ıgerilmeý somasy 1,3 mlrd tg quraıdy.
Ákim A. Myrzahmetov Jambyl oblysyndaǵy ıgerilmegen soma 1,1 mlrd tg quraǵanyn jetkizdi.
Atalǵan máseleni qaraý qorytyndysyn shyǵara otyryp, Premer-Mınıstr Baqytjan Saǵyntaev ákimderge aǵymdaǵy jaǵdaıǵa taldaý jasap, ekonomıkalyq ósimniń maqsatty kórsetkishteriniń oryndalmaýyna jol bergen, basshylardyń jaýapkershiligin qaraýdy tapsyrdy.
«Memleket basshysy keminde 4% ósimdi qamtamasyz etý mindetin qoıyp otyr. Alaıda statıstıkalyq derekterge súıensek, 8 aıdyń qorytyndysy boıynsha ósim 3,8% qurady. Tımýr Muratuly (Súleımenov) óz baıandamasynda atap ótkenindeı, jyl sońyna deıin 4% ósimge qol jetkizý úshin, bizge aı saıynǵy ósimdi orta eseppen 4%-dan joǵary deńgeıde qamtamasyz etý qajet. Atqaratyn jumys kóp», — dep B. Saǵyntaev, QR Premer-Mınıstriniń Birinshi orynbasary A. Mamınniń aıtýyna sáıkes, jumys tamyz aıyndaǵy demalystarǵa jáne basqa da sebepterge baılanysty kesheýildep qalǵanyn atap ótti.
Aıta ketý kerek, QR Ulttyq ekonomıka mınıstrliginiń derekterine sáıkes, elimizdiń ekonomıkalyq ósiminiń tómendeýine syrtqy faktorlar men týrbýlenttilik te áser etýde.
«Árıne ishki jáne syrtqy qolaısyz faktorlar bar, alaıda bul tapsyrmalardy oryndamaýǵa sebep emes. Bizde Prezıdenttiń tapsyrmalaryn iske asyryp, osy jyldy tabysty aıaqtaı alatyndaı barlyq múmkindik bar. Sondyqtan da bul máselege muqııat jaýapkershilikpen qaraýdy tapsyramyn. Ákimderge jergilikti jerlerde mán-jaıdy anyqtap, jumysyn tıisinshe atqarmaǵan basshylardyń jaýapkershiligin qaraýdy tapsyramyn. Qabyldanǵan sharalar men tártiptik jazalar týraly aqparatty bir apta merzim ishinde Premer-Mınıstr Keńsesine usynyńyzdar», — dedi Premer-Mınıstr.
Ulttyq ekonomıka mınıstrligine, múddeli memlekettik organdar men Premer-Mınıstr Keńsesine qyrkúıektiń sońyna óńirlerdiń, bankterdiń, bıznes pen kvazımemlekettik sektordyń qatysýymen keńes daıyndaýdy tapsyramyn.
«Negizgi másele – Prezıdent tapsyrmalarynnyń oryndalý barysy, ásirese – sessııanyń ashylýynda berilgen tapsyrmalar, Prezıdenttiń Bes áleýmettik bastamasy boıynsha tapsyrmalar. Tımýr Muratuly, tapsyrmalardyń oryndalý sapasy, problemalar men olardy sheshý joldary boıynsha egjeı-tegjeıli taldaý qajet», — dep túıindedi Premer-Mınıstr.
