Jylýdy qashan beredi?
Aýa raıynyń jaǵdaıy men bekitilgen normatıvter óz merzimin bizge júrgizedi. Astanadaǵy jylý maýsymyn ótkizý erejesi orta táýlikpen syrtqy aýa temperatýrasy +10 °S jáne bes táýlik ishinde Astana qalalyq jergilikti atqarýshy organy jylý maýsymynyń bastalǵany týraly sheshim qabyldaıdy. Basqasha aıtqanda eger orta táýlikpen kóshe temperatýrasy bes kún ishinde +10°S bolsa, altynshy kúni Astananyń páterdegi turǵyndaryna kópten kútken jylý jiberiledi.
Eń birinshi kezekte - áleýmettik mańyzy bar obektiler balabaqshalar, mektepter, aýrýhanalarǵa beriledi. Qoǵamdyq nysandardyń artynsha qalalyqtardyń páterine jylý barady. Nelikten jylýdy qosý úshin syrtqy aýa raıy orta táýlikpen temperatýra +10 °S jáne odan tómen bolýy kerek. Syrtqy aýa raıynyń temperatýrasyn jylý maýsymynyń bastapqy jáne aıaqtalar kezde memleketaralyq 4.02-02-2004 «Jylý jelisi» normatıvimen anyqtaıdy, ıaǵnı jylý júıesin jobalaý úshin syrtqy aýa raıy eseptik temperatýraǵa táýeldi.
Nelikten syrtta kún jyly kezde ýaqytsha qosyp jáne óshirip qoıýǵa bolmaıdy?
Jylýdy bosatý - bul kúrdeli tehnologııalyq prosess. Tehnologııalyq normalardy saqtamaý jáne jylý júıesindegi prosester apatqa, úziliske, ınjenerlik-tehnıkalyq quraldardyń qurtylýyna ákep soǵýy múmkin, turǵyn úılerge de, jylý jelilerine de. Osyǵan baılanysty jylý berý kestege sáıkes júzege asyrylady.
Energojabdyqtaý uıymdarynyń turǵyn úılerge jylýdy bergennen keıin, turǵyn úılerge jylýdy bosatýdyń kezeńi bastalady. Bul jumystardy qyzmet kórsetýshi (basqarýshy) uıymnyń personaldary atqarady. Energoberýshi uıymdar jylý maýsymy bastalǵan bir aıdyń ishinde jylý jelilerin retke keltirip, tutynýshylarǵa engizedi.
Nege meniń páterimde sýyq, al kórshide jyly?
Jylýdyń qaı jerde jetkiliksiz ekenin anyqtaý qajet. Kóbine bul tereze, esik jaqtan bolady, ıaǵnı sol úıde turatyndar ǵımarattyń jylýynyń 30-dan 40% deıin joǵaltady. Jylýdy ustap turatyn esik pen tereze sapaly bolsa jylýdy joǵaltýdy 1,5 esege azaıtady.
Aldaǵy jylý maýsymyna turǵyn úılerdiń daıyndyǵy týraly
Astanada 2 414 kópqabatty turǵyn úı ortalyq jylýǵa qosylǵan, 2 261 aldaǵy jylý maýsymyna daıyndyq boıynsha barlyq jumystar atqaryldy. Otyn-energetıkalyq kesheni jáne kommýnaldyq sharýashylyq basqarmasynyń málimetinshe, astanadaǵy turǵyn úılerdiń 94 paıyzy jylý maýsymyna daıyn.
«Qala aýdandaryndaǵy ahýal shamamen kelesidegi úlgimen qalyptasady: Almaty aýdany boıynsha 712 kópqabatty úıdiń 654-indegi jumystar aıaqtaldy, bul 92 paıyzdy quraıdy. Esil aýdany boıynsha 444 kópqabatty turǵyn úıden 417 úıdegi jumystar oryndaldy, bul 94 paıyzdy quraıdy. Saryarqa aýdany boıynsha 819 úıden 809 úı, bul 99 paıyz, Baıqońyr aýdany boıynsha 439 úıden 383 úı daıyn, bul 87 paıyzdy quraıdy», - deıdi otyn-energetıkalyq kesheni jáne kommýnaldyq sharýashylyq basqarmasy. Al aýrýhanalar, mektepter men mádenı obektiler úshinshi qyrkúıektegi daıyndyq 97,6 paıyzdy quraıdy. Sondaı-aq densaýlyq saqtaý obektileri - 94 paıyz, bilim nysandary - 99 paıyz, mádenı nysandar - 100 paıyz daıyn. Jalpy alǵanda astana jylý maýsymyna 97 paıyz daıyn. Jylý maýsymy jumystary bastalǵanǵa deıin kópqabatty úıler men obektilerdegi jumys aıaqtalatyn bolady.
