Álem • 12 Qyrkúıek, 2018

Parıjdegi qazaqstandyq rýh saltanaty

144 retkórsetildi

Fransııa astanasyndaǵy áıgili Saltanat qaqpa­synyń dál janyndaǵy Qazaqstan elshiliginiń aldynda zaǵıp jáne kózi nashar kóretin otandas­tary­myzdyń «Astana – Parıj» baǵytymen ótken qurlyqaralyq «Shekteýsiz sport» velomarafony óz máresine jetti.

Osydan bir aıdan astam ýaqyt buryn «Qazaq eli» eskertkishinen bastalǵan biregeı joba jalpy sany 17 adam quraıtyn, arasynda kózi kórmeıtindermen qatar deni saý eriktiler de bar, rýhy myqty azamattar toby 6 mem­­le­ket aýmaǵyndaǵy 30 qala­ny qam­ty­ǵan uzyndyǵy 5 myń sha­qy­rym joldy júrip ótti. «Shek­teý­siz múmkindikter álemi» urany­men ótken velomarafon basta­ma­shylarynyń aıtýyn­sha, onyń negizgi maqsaty múm­kindikteri shekteýli otan­das­tarymyzdyń bıik murattarǵa jete alatyndaryn kórsetý jáne kópshi­likti sportpen udaıy shu­ǵyl­danýǵa ári salamatty ómir saltyn us­tanýǵa shaqyrý boldy. Is-shara bas­talǵannan beri sport­shylar joldarynda kezdesken kóptegen jandardan tamasha qoldaý tapty.

Jobanyń sońǵy bóligi Nojan-sıýr-Marn qalasynda ornalasqan qazaqtyń birtýar qaıratkeri Mustafa Shoqaıdyń músininen bastalyp, áıgili «Týr de Frans» velojarysynyń qorytyndy kezeńi ótetin Elıseı alqaptary dańǵyly men basqa da kóshelerdi qosa alǵanda Parıj aımaǵy men ataqty astananyń aıtýly oryndary arqyly ótti. Batyl sportshylardy qoldaý úshin olardyń qataryna Fransııadaǵy Qazaqstan elshisi Jan Ǵalıev pen Fransııanyń Eýropa jáne syrtqy ister mınıstrligin­degi «DiplomaSycles» Velosport áýesqoılary qaýymdastyǵynyń músheleri de qosyldy.

Saltanat qaqpasynyń janynda velomarafonshylardy Parıjdiń 8-shi aýdanynyń ákimi Jann D’Oskar, qurmet­ti senator, Borıogar-Levek kom­mý­na­synyń meri, burynǵy kásibı velosıpedshi Alen Nerı, Par­olımpııalyq qordyń jetek­shi­si Alen Sıklıs, qazaqstandyq stýdentter, dıaspora ókilderi, Qazaqstannyń fransýz dostary, dıplomattar men olardyń otbasylary qýana qarsy aldy.

Velomarafonshylardy qar­sy alý rásiminde qazaqstandyq elshi: «Kezdesken qıyndyqtarǵa qara­­maı, talaı meıirimdi adam­dar­­men tanysýǵa múmkindik bergen osynaý uzaq joldyń máre­sin­de sizderdi kórýge asa qýanysh­tymyz. Osyndaı bastamalar ha­lyq­tar men mádenıetterdi shy­naıy jaqyndastyra túsedi ári Qazaq­stannyń sheteldegi aby­­roıyn nyǵaıta túsedi. Asta­na men Parıjdi qosqan osy ve­lo­­ma­rafon Qazaqstan men Fran­­sııa arasyndaǵy Stra­te­gııa­lyq árip­testiktiń 10 jyl­dyǵy ata­lyp jatqan kezeń­de uıym­das­tyrylǵany biz úshin erekshe mánge ıe bolyp kórinedi. Sebebi búgingi je­ńis­terińiz ekijaqty sport­tyq jáne gýmanıtarlyq yntymaqtastyqty nyǵaıtýǵa óz úlesin qosty deı alamyz», dedi.

Sportshylar úshin Parıjdiń eń kórikti jerlerin tamashalaýǵa múmkindik bergen teplohodpen ekskýrsııa uıymdastyryldy.

Qalalar men elderdi keshe júre, velomarafonshylar zaǵıp­tardy qoldaý bir­les­tik­teri­men, sporttyq qaýymdas­tyqtarmen, jergilikti bılik ókilderimen, júzdegen jáne myńdaǵan adam­darǵa jolyǵyp, alǵa qoıǵan maq­sattan taımaı ilgeri basýdyń jar­qyn úlgisin kórsete bildi.

Velomarafon jolyndaǵy árbir memlekette Qazaqstannyń dıplomatııalyq ókildikteri otandastaryna saltanatty qabyldaý men jergilikti parasportshylarmen kezdesýler uıymdastyryp, olardyń trassalarda qaýipsiz júrýlerine járdem jasady.

Balalar men jastardy qol­daý­dyń «Anashym» qaıy­rym­dylyq qory 2001 jyly qury­lyp, sodan beri negizinen kórý jaǵynan qıyndyqtary bar aza­mat­­tardyń áleýmettenýimen aı­na­lysady. Osy ýaqyttyń ishin­de múmkindikteri shekteýli jan­dar­dyń qoǵamnyń tolyqqan­dy músheleri bolýyna qoldaý kór­setken birtalaı tabysty joba­l­ardy júzege asyryp úl­ger­di. Qordyń qamqorlyǵymen 2016 jyly «Shekteýsiz sport» jo­ba­­sy­­nyń negizi qalanyp, onyń aıa­syn­da zaǵıptar men nashar kóre­tin azamattardyń qaty­sýymen «Almaty – Astana» jáne «Al­maty – Ystyqkól» baǵyt­ta­ry boıynsha eki velomarafon ótti.

 

Daıyndaǵan Joldybaı BAZAR,

«Egemen Qazaqstan»

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar