Elbasy memleket-jekemenshik áriptestigi mańyz bergeni belgili. Osy jaǵdaı qalada ótken semınar-keńeste talqylandy.
– Keler jyldan bastap «Bilim týraly» Zańǵa sáıkes mektepke 6 jastan balalardy qabyldaý normasy kúshine enedi. Ol kezde úsh aýysymdyq mektepterdiń týyndaý qaýpi bar. Muny memleket tarapynan qoıylyp otyrǵan talap – jekemenshik mektepterdi damytý arqyly sheshemiz, – deıdi oblystyq bilim basqarmasynyń basshysy Maıra Medelbekova.
Oblystyń bas muǵalimi stýdentterge jataqhananyń jetispeýshiligi máselesin de jetkizdi. 1,5 myń stýdentke kem degende bes jataqhana salynýy kerek eken. Muny da memlekettik tapsyryspen qatar jekemenshik áriptestigi aıasynda sheshýge ábden bolady. Aıtqandaı, oblys jastaryna qajetti 5 jataqhananyń ekeýiniń qurylysyn kásipkerler salyp jatyr
– Memleket qazir memlekettik tapsyrys arqyly ár jatatyn orynǵa jańa qurylys bolsa, 122 aılyq eseptik kórsetkish kóleminde tóleıdi. Al modernızasııaǵa, bolmasa qaıtý qurý, rekonstrýksııa tásilimen jasalatyn bolsa 47 aılyq eseptik kórsetkish kóleminde ár stýdentke tólenedi. Budan basqa jataqhanalardy burynǵy jataqhana uǵymynda emes, qazirgi jańa uǵymda – stýdentter úıin jasaý kerek dep usynýda», – deıdi «Qazaqstandyq memleket-jekemenshik áriptestigi ortalyǵy» AQ basqarma tóraǵasynyń orynbasary Talǵat Mataev.
Osylaısha eki jaqqa da tıimdi baǵyt boıynsha jumys júrip jatyr. Búginde «Maǵan Otanym ne berdi dep emes, men Otanyma ne berdim dep oıla» degen támsilge uqsas oı jıi aıtylady. Áleýmettik máselelerdiń bárin memlekettiń ıyǵyna artyp qoıyp, ketpenniń sabynan qaraýyl qaraý janyashymastyń isi. Shyn janashyrlardyń pıǵyly osyndaı kezderde tanylady.
Baqtııar TAIJAN,
«Egemen Qazaqstan»
Qyzylorda oblysy
