Bul kezeńde Jetisý óńirinen de 1991-2000 jyly týylǵan 2 myńǵa jýyq azamat ásker qataryna attanbaqshy. Jaqynda osy sharaǵa oraı, Almaty oblysy Qorǵanys isteri jónindegi deparatmentiniń uıymdastyrýymen nusqaýlyq-ádistemelik jıyn óttıken bolatyn. Atalǵan sharaǵa shaqyrý, medısına komıssııasynyń tóraǵalary, jergilikti áskerı basqarý organdarynyń bastyqtary, Taldyqorǵan garnızonynyń áskerı prokýrory, UQKD, IID jáne áskerı bólimderdiń ókilderi qatysty. Jınalǵandar aldynda esep bergen oblystyq Qorǵanys isteri jónindegi deparatmentiniń basshysy, polkovnık Talǵat Dáýlethanov kóktemgi merzimdi áskerge shaqyrý barysyn qorytyndylap, kúzgi áskerge shaqyrýdyń negizgi mindetteri men talaptary týraly aıtty. Osy basqosýda qorǵanys isi salasyndaǵy qurlymdyq bólimderdiń ókilderi de jeke taqyrypta baıandama jasap, merzimdi áskerge shaqyrýda oryn alatyn máseleler men olardy sheshý joldarymen bólisti. Sonymen qatar, Qorǵanys isteri jónindegi biriktirilgen basqarmasy men bólim bastyqtary merzimdi ásker qataryna shaqyrýǵa daıarlyqtary, júrgizilgen jumystary men josparlary boıynsha tyńdalady.
О́z kezeginde Almaty oblysy Qorǵanys isteri jónindegi deparatmentiniń basshysy, podpolkovnık Talǵat Dáýlethanov áskerge shaqyrý jumysymen aınalysatyn jaýapty adamdardyń qyzmetterine jaýapkershilikpen qaraýǵa shaqyrdy.
Otan aldyndaǵy boryshyn óteýdi qasıetti paryzym dep biletin, moraldyq jáne psıhologııalyq turǵydan myqty, fızıkalyq jaǵynan myǵym azamattarǵa basymdyq bergenimiz jón, - dedi ol.
Kúzgi áskerge shaqyrý naýqanyn sapaly, ári ýaqtyly oryndaý maqsatynda komıssııa ár shaqyrylýshyny jeke-jeke qarastyryp, alǵan bilimin, mamandyǵyn eskeredi, otbasy jaǵdaıyn saraptaıdy, densaýlyǵynyń jaramdylyǵyn basty nazarǵa ala otyryp, ony ásker qataryna qabyldaý-qabyldamaý týraly sheshim qabyldaıdy. Jasaqtaý eksterrıtorıaldy prınsıpke sáıkes júzege asyrylady, ıaǵnı shaqyrylýshy ózge oblysqa attandyrylady.
Búginde Almaty oblysynan shaqyrylǵan azamattar elimizdiń Shekara qyzmetiniń áskerı bólimderine boryshyn ótteýge jóneltilip jatyr. Merzimdi áskerı qyzmetke shaqyrý jeltoqsan aıynyń sońyna deıin júrgiziledi.
Qalmahanbet MUQAMETQALI,
«Egemen Qazaqstan»
Almaty oblysy
