Bas hatshy Ámireev, Mınıstr Chavýshoǵluǵa Túrkııa Syrtqy ister mınıstrliginiń Túrki keńesine kórsetken qoldaýy úshin óziniń júrekjardy alǵysyn bildirdi.
Kezdesý barysynda Bas hatshy Syrtqy ister mınıstrine Túrki keńesiniń qurylǵan kezden beri atqarǵan jumysynyń qorytyndysy týraly tolyq aqparat berdi. Ol, sondaı-aq, Túrki yntymaqtastyq uıymdaryn ońtaılaý jáne reformalaýǵa baǵyttalǵan tujyrymdama jobasy, Hatshylyqtyń ishki tártibine baılanysty máseleler men uıymnyń aldaǵy ýaqytta josparlanǵan jumys kestesine toqtaldy.
Túrkııa Respýblıkasynyń Syrtqy ister mınıstri Máýlit Chaýyshoǵlý Baǵdad Ámireevti Túrki keńesiniń Bas hatshysy laýazymyna taǵaıyndalýymen quttyqtap, jańa qyzmetine tolaǵaı tabys tiledi. Syrtqy ister mınıstri Chaýyshoǵlý Bas hatshynyń bergen aqparatyna rızashylyǵyn bildirip, Túrki keńesiniń Túrkııa Syrtqy ister mınıstrligi úshin strategııalyq mańyzdylyǵyn jáne uıymnyń barlyq is-sharalaryna qoldaý kúsheıtiletinin atap ótti.
Kezdesý sońynda Bas hatshy Ámireev Syrtqy ister mınıstri Chaýyshoǵlýǵa estelik syılyq usyndy.
Atalǵan saparǵa Bas hatshy orynbasary Omer Kodjaman men Joba dırektory Asan Májıtov ta qatysty.
