Qazaqstannyń Túrkııadaǵy elshiliginiń shaqyrýymen Etımesgýt aýdanynyń merııasy uıymdastyrǵan «Anadolý» festıvaline Jambyl oblysy Shý aýdanynyń «Əsem əýen» folklorlyq ansambli qatysty. О́ner ujymy saparyn qala tanystyǵynan bastap, Etımesgýt aýdanynyń meri Ánýar Demıreldiń qabyldaýynda boldy. Shyǵarmashylyq delegasııany Jambyl oblystyq Mádenıet, arhıvter jáne qujattama basqarmasynyń bas mamany Erkejan Sembaeva, oblystyq Halyq shyǵarmashylyǵy ortalyǵynyń kórkemdik jetekshisi Elmıra Dútbaeva, Shý aýdany ákiminiń orynbasary Klara Qojaǵappanova, ansambldiń kórkem jetekshisi, Qazaqstannyń eńbek sińirgen qaıratkeri Əýeshan Kelgenbaev bastap keldi. Júzdesý barysynda Anadolý festıvaliniń mańyzy men túrki yntymaǵyna tıgizer yqpaly jaıynda əńgime órbidi. Jazýshy-aýdarmashy Məlik Otarbaev qazaqstandyq qonaqtardy tanystyryp, festıvaldiń sətti ótýine tilektestik bildirdi.
Uzaq jyldan beri qazaq óneri men mədenıetin, ədebıetin Túrkııa tórinde nasıhattap, eki el arasynda tyǵyz qarym-qatynas ornatýǵa úles qosyp kele jatqan Etımesgýt meri Ánýar Demırelge halyqaralyq Jambyl syılyǵy men tósbelgisi tabys etildi. Bıyl 15-shi mərte uıymdastyrylyp otyrǵan óner merekesine alys-jaqyn túrki tildes memleketterden jáne Túrkııa aýmaǵyndaǵy barlyq qalalar men provınsııalardan shyǵarmashylyq toptar shaqyrylypty. Olar on kún boıy Anadolý jerin dýmanǵa bólep, ulttyq folkloryn pash etpek.
«Əsem əýen» folklorlyq ansambli kórermender nazaryna Əbdimomyn Jeldibaevtyń «Erke sylqym», Mels О́zbekovtiń «Tolqıdy Shýym», Eskendir Hasanǵalıevtiń «Atameken», Arman Beksultannyń «Elge tilek» jáne Maılyqojanyń «О́sıet» termesi men «Jan erkem», «Qurbym-aı», » Deı saldym-aı», «Aýylyń seniń irgeli» syndy halyq ənderin tartý etti. Jas qobyzshy Birǵanym Myrzahan halyq əni «Ilıgaıdy» oryndap, túrik əni «Dý-dýdy» Baýyrjan Úısinbaev naqyshyna keltire shyrqady. Ansambl ánshileri Mádenıet qaıratkeri Janat Dosjanova, Aıgúl Dıqanova, Nurbolat Ińkərbekov te joǵary deńgeıde óner kórsetip, qazaq eliniń ulttyq ónerin laıyqty tanystyra bildi. Qazaqstan ónerpazdaryn 50 myń kórermen tamashalap, «Bengú» túrik arnasy tikeleı efırden taratty.
Kesh sońynda Qazaqstannyń Túrkııadaǵy elshisi Abzal Saparbekuly sóz sóılep, kóne Taraz tórinen, qasıetti Talas jerinen kelgen óner ıeleri men sharany uıymdastyrǵan Etımesgýt aýdany merııasyna alǵys bildirdi.
- Kúzdiń osy tamasha kúnderi júregimizge úlken qýanysh syılaǵan HV «Anadolý» halyqaralyq festıvali Túrkııanyń ǵana emes, túrik áleminiń biregeı jobasyna aınaldy. Aýqymdy shara mádenı qarym-qatynastarymyzdy damytýǵa jáne baýyrlastyq rýhymyzdy nyǵaıtýǵa aıryqsha úles qosyp keledi. Ulttyq ónerimizdi bir sahnada toǵystyryp qana qoımaı, bizdiń máńgilik muralarymyz ben rýhanı qundylyqtarymyzdy jandandyrýǵa, tarıhymyzben jaqyn tanysýǵa, yntymaq-birligimizdiń arta túsýine úlken múmkindik, tyń serpin berip otyr.
Sondyqtan Etımesgýt mýnısıpalıtetiniń meri Ánýar Demırel myrzaǵa osy umytylmas is-sharany uıymdastyrǵany úshin zor rızashylyq bildirgim keledi, - dedi Abzal Saparbekuly.
О́z kezeginde Shý aýdany ákiminiń orynbasary Klara Qojaǵappanova Jambyl oblysy ákimi Asqar Myrzahmetov pen Shý aýdanynyń ákimi Qaırat Dosaevtyń ystyq səlemi men jyly lebizin jetkizip, mer Ənýar Demırel men elshi Abzal Saparbekulynyń ıyǵyna shapan jaýyp, Taraz qolóner sheberleriniń jyr alyby Jambyl Jabaevtyń beınesin qolmen toqyǵan kelemsheni syıǵa tartty.
Jambyl oblysy ónerpazdarynyń gastroldik sapary ary qaraı Nıgde qalasynda jalǵasyn tapty. Shyǵarmashylyq delegasııa kútip alǵan Nıgde qalasynyń Bor mýnısıpalıteti mádenıet basqarmasynyń basshysy Mehmet Bash tarıhı oryndardy aralatyp, kóne Tıana qalashyǵy aspan asty mýzeıimen tanystyrdy. Keshkisin 5 myń oryndyq amfıteatrda ótken konsertke jaqyn mańdaǵy Altaı qazaq aýylynyń turǵyndary arnaıy keldi. Sondaı-aq Qazaqstannyń Túrkııadaǵy elshisi Abzal Saparbekuly, Nıgde qalasynyń meri Iylmaz Shımshek, Bor mýnısıpalıteti meri Sytky Erat jáne basqa da laýazymdy tulǵalar men BAQ ókilderi qatysty.
Baǵdarlama barysynda Astana qalasynyń 20 jyldyq mereıtoıyna oraı A.Saparbekuly Bor provınsııasynyń meri Sytky Erat myrzaǵa Elorda sımvoly «Báıterek» monýmenti órnektelegen saǵatty syıǵa tartsa, Jambyl oblysy Shý aýdany ákiminiń orynbasary Klara Isakqyzy shapan jaýyp, qurmet kórsetti. Sonymen qatar, Jambyl oblysy ákimdiginiń mádenıet, arhıvter jáne qujattama basqaramasy atynan Nıgde qalasynyń meri Iylmaz Shımshekke «Kóne Taraz» kilemshesi tabys etildi.
Gastroldik sapar barysynda «Ásem áýen» folklorlyq ujymy Kapadokııa, Ystambul qalasynyń kórikti oryndaryn aralap, tarıhı oryndarymen tanysty.
Elvıra SERIKQYZY,
«Egemen Qazaqstan
