Qazirgi tańda Atyraýǵa 200 mobıldi tólem qurylǵysy jetkizildi.Jyldyń sońyna deıin barlyq qoǵamdyq kólikke stasıonarlyq valıdatorlar ornatylady.
Atyraý qalasy ákiminiń orynbasary Meıirim Qalaýıdiń aıtýynsha, naýryz aıynyń basynan bastap oblystyq ortalyqta «Sıfrlyq Qazaqstan» memlekettik baǵdarlamasy aıasynda qoǵamdyq kólikte jol júrý tólemderin avtomattandyrý boıynsha jumystar júrgizilýde.
- Qazirgi ýaqytta «Smart-TKSh» kompanııasy 6 tasymaldaýshy-kompanııamen kelisimshartqa qol qoıdy. 1 qazannan bastap barlyq jol serikterge 200 mobıldi tólem qurylǵysyn shyǵarýdy josparlap otyrmyz. Barlyq avtobýstarǵa QR kodtaryn taǵaıyndap, tólemderdiń basqa túrlerin jasaýǵa bolatyn «SmartQala» mobıldi qosymshasy iske qosylady.
Elektrondyq bılet júıesin engizýdiń maqsaty - qoǵamdyq kólik jumysynyń ashyq bolýyn qamtamasyz etý , - dep túsindirdi ákim orynbasary.
Osylaısha, valıdator avtomatty túrde avtobýstardaǵy jolaýshylardyń qozǵalysyn, jalpy esepti oqı otyryp, aqparatty elektrondyq derekqorǵa júkteıdi. Jańa júıeniń engizilýiniń arqasynda qoǵamdyq kólikte qyzmet kórsetý sapasy, júrgizýshilerdiń jáne jol serikterdiń jalaqysy,sonymen qatar,tasymaldaýshy kompanııalar tabysy,bıýdjetke túsetin salyq túsimi kóbeıetin bolady. Budan basqa, avtobýstardyń qyzmet etý sapasy artady, sebebi qoǵamdyq kóliktiń tehnıkalyq kúıin jaqsy jaǵdaıda ustaý úshin qarajat tólenetin bolady.
- Pılottyq joba kezinde jolaýshylar valıdator arqyly qolma-qol aqsha tóleıdi. Júıe iske qosylǵannan keıin arnaıy tólem kartochkalary engiziledi. Kez kelgen azamat úshin jol júrý kartasynyń quny 300 teńge.
Zeınetkerler men múgedekterge jáne ardagerlerge arnaıy tegin kartalar beriledi,- dep atap ótti «Smart-TKSh» kompanııasynyń ókili Erlan Nurlanuly.
Eske sala keteıik, Astana men Almatyda elektrondy bıletterdi satý júıesi off-laın rejıminde engizildi. Atyraýdaǵy jobanyń artyqshylyǵy - tólemder onlaın-formatta qabyldanýy. Bul sizge jolaýshylardyń sanyn bile otyryp , sondaı-aq avtobýstardyń bir-birimen baılanysta bolýyna, kúndelikti jumystary týraly aqparat alýǵa múmkindik beredi.
- Jalpyǵa qolma-qol aqsha, bank kartasy, Bluetooth, NFC-qosymshasy bar smartfon, sms-habarlandyrý jáne QR-kody úshin 9 túrli tólem túrleri bolady.
Aıta keteıik, qyrkúıek aıynyń sońynda qalaǵa 20 jańa avtobýs qabyldanady. Jyldyń sońyna deıin Atyraýǵa 100 avtobýs shyǵyp, jańa qoǵamdyq kólikter tólem qurylǵylarymen jabdyqtalady.
