Is júzinde bizdiń el túrkııalyq ınvestorlardyń kóptep kelýine múddeli. Máselen, qazir Qazaqstannyń eksport kólemi ulǵaıyp keledi. Túrkııaǵa 2017 jyly 1 mlrd 145 mln AQSh dollarynyń ónimi eksporttaldy.
Eger ımportty qaraıtyn bolsaq, 130 mln AQSh dollarynyń shamasynda bolsa da, Túrkııadan tasyǵanymyz shıkizattyq emes ónimder emes. Onyń ishinde mashına jabdyqtary, quraldar men qurylǵylar, matanyń úlesi basym. Endi Qazaqstannyń aldynda eksporttaǵy shıkizattyń úlesin azaıtyp, óńdelgen ónimdi satý mindeti tur.
Osyǵan oraı, Memleket basshysynyń resmı sapary kezinde kóptegen salada yntymaqtastyqty tereńdete túsý usynyldy. Qazir baıyptap qaraıtyn bolsaq, Túrkııada óńdeý ónerkásibi jaqsy damyǵan. Álemdik deńgeıde jeńil ónerkásiptiń, qaıta óńdeý ónerkásibiniń damýy boıynsha Qytaı aldyńǵy orynda tursa, Túrkııa sodan keıingi oryndarda ornalasqan.
Mine, Memleket basshysy osy máselelerge nazar aýdaryp, Túrkııa kásipkerlerin Qazaqstanǵa ınvestısııa salýǵa shaqyrdy. Onyń ishinde qaıta óńdeý salasyna mańyz berilýde. О́ıtkeni, elimizde 2017 jyly qabyldanǵan Eksporttyq strategııa boıynsha 2022 jylǵa deıin shıkizat eksportynan birtindep arylyp, óńdelgen ónim eksportyn ulǵaıtý mindeti qoıyldy. Osy mejeden shyǵý úshin bizge Túrkııanyń kómegi qajet.
Madııar KENJEBOLAT,
ekonomıka ǵylymdarynyń kandıdaty
