Búginde túrik ınvestorlary taý-ken, energetıka salalaryna da qyzyǵýshylyq tanytýda. Máselen, «Lidya Madencilik» atty túrik kompanııasy Qaraǵandy oblysyndaǵy Ońtústik Moıynty altyn ken ornynyń 100% úlesin satyp alýdy josparlap otyr.
Sondaı-aq eki el saýda aınalymyn qazirgi 2 mlrd dollardan 5 mlrd dollarǵa deıin kóbeıtýge kelisti. Búginde Qazaqstan Túrkııadan taýarlardyń úlken assortımentin ımporttaıdy, sonyń ishinde halyq tutynatyn taýarlar (kıim, aıaq-kıim), qurylys materıaldary, hımııa ónerkásibiniń ónimderiniń úlesi basym. Túrkııa úshin Qazaqstan eń aldymen qurylys salasynda qyzmet kórsetý naryǵy retinde tartymdy. Qazaqstanda Sembol, ENKA sııaqty túrik kompanııalarynyń fılıaldary tabysty jumys isteýde. Túrkııanyń Sembol Construction kompanııasynyń fılıaly 2017 jyly elimizdiń bıýdjetin 17,27 mlrd teńgege toltyryp, qurylys kompanııalarynyń ishinde eń úlken salyq túsimderin qamtamasyz etti.
Qazaqstan úshin eksportynyń qurylymynda 41%-i tutynýshylyq, 47% aralyq jáne 11% ınvestısııalyq taýardy quraıtyn Túrkııanyń tájirıbesi óte paıdaly. О́z kapıtalymen jáne tehnologııalarymen keletin túrik kásipkerleri Qazaqstan óńirleriniń ár túrli salalaryn damytýǵa eleýli úles qosýǵa qabiletti.
Aıjan MUQYShBAEVA,
Álemdik ekonomıka jáne saıasat ınstıtýtynyń sarapshysy
