Búgingi tańda elimizdiń Qarýly kúshteri áskerge shaqyrý jáne kelisimshart boıynsha aralas tásilmen jasaqtalady. Qazaqstan armııasynyń is-qımyly álemdik tájirıbege negizdelgen, sonymen qatar jeke qurammen jasaqtaý, áskerge shaqyrý kenjelegen joq. О́ńirlerde sarbazdar qataryna qabyldanǵandardy armııaǵa saltanatty túrde shyǵaryp salý, áskerı ant qabyldaý dástúrin ashyq alańdarda, qalalar men aýdandardyń tarıhı mańyzdy jerlerinde qoǵam men buqaralyq aqparat ókilderin keńinen tarta otyryp ótkizý josparlanýda. Sebebi áskerı-patrıottyq jumys jas býynnyń bıik patrıottyq sezimin qalyptastyryp, óz Otanyn qorǵaıtyn ár azamattyń adamgershilik qasıetin odan ári damytýǵa yqpal etýi tıis dedi konferensııa barysynda Uıymdastyrý-jumyldyrý jumystary departamenti bastyǵynyń orynbasary, polkovnık Ardaq Kýkatov. Onyń aıtýynsha, bıyl 1992-2000 jyldar aralyǵynda týǵan 17 myńnan astam azamat Otan aldyndaǵy boryshyn óteýge shaqyrylatyn bolady. Ásker qataryna densaýlyǵy myqty, psıhologııalyq daıyndyǵy jaqsy er azamattar qabyldanady.
Áskerı bólimder boıynsha shaqyrylýshylardy irikteý jáne bólý kezinde aldyn ala zerdeleý nátıjeleri jáne shaqyrylýǵa deıin ıgergen mamandyqtary eskeriledi. Sonymen birge áskerı bólimder eksaýmaqtyq qaǵıdat boıynsha júzege asatyn bolady. Iаǵnı, sarbazdar óńirler boıynsha jan-jaqqa jiberilmek.
Venera TÚGELBAI,
«Egemen Qazaqstan»
