Sonymen qatar Qundyzdy aýylynda «Kúldir de kúldir kisinetip, Kúreńdi miner me ekenbiz. Kúderiden baý taǵyp, Aq kireýke kıer me ekenbiz» dep jyrlaǵan batyr, qolbasshy Aqtamberdi jyraýdyń keýde músini ornatyldy. Tuǵyryn qosa alǵanda 4 metrge jýyqtaıtyn eskertkishtiń avtory – jas músinshi Nurbol Qalıev.
Abaı aýdanynyń əkimi Jarqynbek Baısabyrov bıyl «Rýhanı jańǵyrý» baǵdarlamasy aıasynda 75 mıllıon teńgege jýyq demeýshilik kómek kórsetilgenin aıtady. Al Qundyzdyda boı kótergen sport nysany men jyraýdyń bıýstine 16 mıllıon teńgeden astam qarajat jumsalypty. «Qaıda júrsek te týǵan jerdiń týyn bıik ustaýǵa tyrysamyz. Ulylar eliniń týmasy ekenimdi árkez maqtan etemin. Sport kesheniniń salynýyna jergilikti kásipkerler de qolushyn sozdy, batyrdyń keýde músininiń qoıylýyna Aqtamberdi babamyzdyń urpaqtary, Dáýlet Turlyhanov aǵamyz da qoldaý kórsetti. Bul aýyldan əli de talaı chempıondar shyǵatynyna bek senimdimin», deıdi Aıbek Nuǵymarov.
Azamat QASYM,
«Egemen Qazaqstan»
Shyǵys Qazaqstan oblysy,
Abaı aýdany,
Qundyzdy aýyly
