Jalpy, Astana qalasynyń mádenı kúnderi túrli sharalarǵa toly bolmaq. Mysalǵa, Taldyqorǵan qalasynda «Aq tilekpen, Astana» kórmesi ashylyp, qylqalam sheberleriniń týyndylary kórermen nazaryna usynyldy. Al «Qorqyt» toby men «Shalqyma» ansambli de qala turǵyndaryna ánnen shashý shashpaqshy.
Sharanyń alǵashqy tusaýkeseri «Astanadan aq tilek» atty konserttik baǵdarlamamen búgin Ilııas Jansúgirov atyndaǵy mádenıet saraıynda ótpekshi. Munda elordalyq 70 ónerpaz jetisýlyqtar úshin óner kórsetedi.
Sondaı-aq, erteń «Jyr atasy Qaban jyraý» atty konsert dál osy mádenıet oshaǵynda shymyldyǵyn túredi. Al mádenıet kúnderdiń baǵdarlamasy boıynsha Astana teatry Bıken Rımova atyndaǵy oblystyq drama teatrynyń sahnasynda birneshe dramalyq qoıylym usynady.
Qalmahanbet MUQAMETQALI,
«Egemen Qazaqstan»
Almaty oblysy
