Jańa mektepte – Jańajyldyq shyrsha

Jyl saıyn Jańa jyl qarsańynda armııa generaly S.Nurmaǵambetov atyndaǵy «Jas ulan» respýblıkalyq mektebinde tárbıelenýshilerdi merekelik qabyldaý rásimi ótkiziledi. Bıyl ulandyqtardy quttyqtaý jýyrda ǵana el Prezıdenti ashqan jańa mekteptiń qabyrǵasynda júzege asyryldy. Saltanatty sharany Qor­ǵa­nys mınıstriniń birinshi oryn­basary – Qorǵanys mınıstrligi Shtabtar bastyqtary komıtetiniń tóraǵasy, general-polkovnık Sá­ken Jasuzaqov ashty. Ol bolashaq Otan qorǵaýshylardy kele jat­qan Jańa jyl merekesimen qut­tyqtap, jańa jylda jańa partalarda otyratyndyqtaryn jáne de munyń eń tamasha syılyq ekendigin atap ótti. – El Prezıdenti – Qazaqstan Respýblıkasy Qarýly Kúshte­ri­niń Joǵarǵy Bas qolbasshysy Nursultan Nazarbaevtyń qamqor­ly­ǵynyń arqasynda áskerı ınstıtýttar men mektepterde jo­ǵary dárejeli oqytýshylar bilim berýde, onda oqý-materıaldyq ba­zasy men zamanaýı standart­tarǵa saı jaǵdaılar jasalǵan, –dep atap ótti general-polkovnık Sáken Jasuzaqov. Mektepti bitirgen kóptegen túlekter joǵary áskerı bilim alyp Qazaqstan armııasynyń sa­pynda ofıserlik qyzmet atqa­rý­da. Qorǵanys vedomstvosy bas­shy­synyń birinshi orynbasary búginde osy sharaǵa qatysýshy balalardyń kópshiligi erteń-aq aldyńǵy tolqyn aǵalarynyń izin basyp, halyq syılaıtyn áskerı qyzmetker mamandyǵyn tańdaı­tyndyqtaryna senim bildirdi. Bolashaq áskerı qyzmet­ker­ler­ge syılyqtar tapsyryldy. Saltanatty jaǵdaıda Aıaz Ata jáne Aqshaqarmen birge olar jańajyldyq shyrshanyń otyn jaqty. Oksana PARPÝRA, Qorǵanys mınıstrligi baspasóz qyzmetiniń qyzmetkeri.