Bıyl alǵashqy 74 túlek oqýyn bitirdi. Olardyń 43-i magıstratýrada oqýlaryn jalǵastyrady. 14-i oblystyń iri kásiporyndaryna – «SKZ-Ý» JShS, «Qyzylorda jaryǵy» JShS, «Ansar Servıs» JShS, «Teplotehnık» JShS-na, mamandandyrylǵan memlekettik mekemelerge – ındýstrııalyq-ınnovasııalyq damý, energetıka jáne turǵyn úı-kommýnaldyq sharýashylyǵy basqarmalary men jastar resýrstyq ortalyǵyna jáne taǵy basqa jumystarǵa ornalastyryldy.
Qaıbir jyly О́zbekstanmen shektesetin aýdandaǵy joǵary oqý ornyna jolymyz túsken. Buryn ashana bolǵan ortalyqtan ınstıtýt ashqan azamat oqytýshylardy, professorlardy О́zbekstannan aldyramyn degen edi. Shyndyǵynda, olar sabaq berip te jarytpaıdy. Oqý ornyn ustap turý, áleýetin kóterý úshin tizimge qosqan, jalaqysyn belgilegen. Kelse de báribir, kelmese de báribir. Joǵary oqý orny talabyna ústindegi lypasy kelmeıtin sol oqý orny jabylǵanymen, aqshasyn tóleseń sabaqqa kelmeseń de dıplomdy qolyńa beretin bilim oshaqtary áli de kóp. О́tkende Elbasy Úkimet basshysyn qabyldaǵanda bilim salasynyń syn kótermeıtindigin aıtty. Memleket basshysy joǵary oqý oryndaryndaǵy bylyqty joıý jóninde tapsyrma bergenimen, áli sheshimin tappaǵan máseleler joq emes.
Al Reseıdiń eń iri eki qalasynda oqyp jatqan jastar bizdegi kódedeı kóp mamandyqtarǵa emes, aýadaı qat tehnıkalyq mamandyqtarǵa, Syr óńirin órkendetý úshin kerek mamandyqtarǵa mashyqtanyp jatyr. Qyzylordada kelesi jyly taǵy 150 túlek oqýyn bitiredi.
Oblys ákimi Qyrymbek Kósherbaev alǵashqy túlekterdi qabyldap, aq tilegin jetkizdi.
– Qurmetti áriptester! Sizder búginde meniń aımaq, el damýyna etene úles qosatyn bilikti maman, eńbek etýshi úzeńgiles áriptesime aınaldyńyzdar. Ata-babamyz «Týǵan jerge týyńdy tik» dep beker aıtpaǵan, Elbasymyz da «Patrıotızm – kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalady», dep aıtyp keledi. Men de óz kezeginde «Týǵan jerge taǵzym etý – paryzym, týǵan jerge qyzmet etý – qaryzym» degen urandy ustanamyn. Sondyqtan bilim alyp, belgili bir mamandyq ıesi atanyp, týǵan jerlerińe oralǵan qadamdaryńyz oń bolsyn dep tileımin, – dedi aımaq basshysy.
Saltanatty jıynda túlekter men olardyń ata-analary mektep bitirgennen keıin Reseıdiń eń úzdik tehnıkalyq joǵary oqý oryndarynda bilim alýǵa jáne jumysqa ornalasý múmkindigin jasaǵan oblys basshylyǵyna rızashylyqtaryn bildirdi.
– Mundaı múmkindik basqa aımaqtarda bolmaǵanyn atap ótkim keledi. Máskeý men Peterbýrgte kóbinese syrboıylyq jastar oqýda. Basqa stýdentter bizge jasalǵan materıaldyq jáne rýhanı qoldaýlaryńyzǵa qyzyǵa qaraıtyn. Qazir tipti Máskeýge arzan áýe reısteri uıymdastyrylǵan. Sondaı-aq oqyp júrgen kezdiń ózinde «Araltuz», «Baıken-U», «Qyzylorda jaryǵy», «Abzal jáne K» sııaqty iri kompanııalar jumys usyna bastady. Men «Qyzylorda jaryǵy» JShS-inde jumys isteımin. Ata-anam men oblys basshylyǵynyń úmitin aqtap, alǵan bilimimdi týǵan jerdiń ıgiligine jaratsam deımin, – deıdi Reseıde oqý bitirip, «Qyzylorda jaryǵy» JShS-ne jumysqa ornalasqan Elaman Meńdiqul.
Kezdesýde túlekter oblys ákimine «Orda» jastar qoǵamdyq birlestiginiń kýáligin tabystady. Bul uıym bıylǵy jyldyń tamyz aıynda syrboıylyq jastardyń máselelerin sheshýge jáne reseılik joǵary oqý oryndaryndaǵy stýdentter men túlekterdi biriktirýge arnalyp qurylǵan bolatyn.
Bıyl 60-tan astam mektep túlegi Máskeý ulttyq tehnologııalyq zertteýler ýnıversıtetine, K.A.Tımırıazev atyndaǵy Reseı memlekettik agrarlyq ýnıversıtetine, Sankt-Peterbýrg memlekettik ındýstrııalyq tehnologııalar jáne dızaın ýnıversıtetine, Innopolıs ýnıversıtetine jáne Máskeý energetıka ınstıtýtyna tústi.
Sonymen birge, syrboıylyq jastarǵa mamandandyrylǵan «Kıberqaýipsizdik» jáne «Prosesterdi matematıkalyq modeldeý» salasynda M.V.Lomonosov atyndaǵy Máskeý memlekettik ýnıversıtetine jyl saıyn 20 grant jáne Eýrazııalyq ekonomıkalyq qoǵamdastyqtyń Parlamentaralyq Assambleıasy aıasyndaǵy joǵary oqý oryndaryna grant bólinedi.
Aqparattandyrý men tehnologııalardy engizý boıynsha Tatarstan Respýblıkasyndaǵy Innopolıs ýnıversıtetinde aqparattyq jáne sıfrly tehnologııalar boıynsha jyl saıyn qyzylordalyq túlekterdiń bilim alýyna kelisim jasalǵan. Aldaǵy ýaqytta «Skolkovo» ınnovasııalyq ortalyǵymen áriptestik ornatý josparlanyp otyr.
Sondaı-aq az qamtylǵan jáne kóp balaly otbasylardan shyqqan 900-ge jýyq túlek oblys ákiminiń bilim grantyna ıe boldy. 2018 jyly grant sany eki esege artty, onyń 70 paıyzy IT mamandyqtaryna bólinedi.
Bıylǵy jyly oblys ákiminiń 116 stıpendıaty oqýyn bitirdi.
Búginde Reseıdiń joǵary oqý oryndarynda oqyp jatqan jastar oblys ákiminiń tikeleı qadaǵalaýynda. О́ńirdi túletý, eldiń ál-aýqatyn kóterý zaman talabyna saı bilim alyp jatqan sol jastardyń qolynda ekendigin biletin óńir basshysy, Maǵjan aqyn aıtqandaı, «Men jastarǵa senemin» dep otyr.
Baqtııar TAIJAN,
«Egemen Qazaqstan»
Qyzylorda oblysy
