Ol BAQ ókilderine bergen túsiniktemesinde mundaı olqylyqtar byltyr oryn alsa, bıyl kúni buryn qam jasaýdyń arqasynda áleýmettik nysandar qajetti 146 myń tonna kómirmen qamtamasyz etilgenin jetkizdi. Qazir 34 temir jol tuıyǵynda 60 myń tonnadan astam kómir jınaqtalǵan. № 2 Petropavl jylý elektr stansasynda 175 myń tonna qara otyn, 664 tonna mazýt qory bar. Oblys turǵyndary qysqy maýsym kezinde ortasha eseppen 384 myń tonna kómir tutynsa, búginde bul kólemniń jartysyna jýyǵy jetkizildi.
Ken oryndarynan kómir jetkizýmen jergilikti 4 fırma aınalysatyndyqtan, baǵada aıtarlyqtaı aıyrmashylyq joq. Temir jol tasymalynyń baǵasy eki ret kóterilýine baılanysty az-kem qymbattaǵanymen qoljetimdi. «Týrdyogly» jeke kásipkerliginiń menedjeri Murathan Turmaǵambetovtyń aıtýynsha, Ekibastuz kómiriniń bir tonnasy – 8600, Maıkóbeniki – 12200, Shubarkóldiki 13950 teńge turady. «Sońǵy surypqa suranystyń joǵary ekenin eskerip, onyń aı saıynǵy mólsherin 8 myń tonnaǵa deıin ósiretin bolamyz. Qazir 4 myń tonnasy ákelinip, kúnine 200-350 tonnadaıy saýdalanady. Buǵan kómir tıelgen 14 vagondy, al qyrkúıekte keste boıynsha 70, qarashada 120 vagon kómir jetkiziletinin qossaq, qystan qysylmaı shyǵatynymyz anyq», deıdi M.Turmaǵambetov.
Budan tysqary «Ýgol Nord», «Otyn LTD» seriktestikteriniń qoımalarynda 10 myń tonna kómir esh kedergisiz satylýda. Budan bir tonna kómirdiń baǵasy 17 myń teńgege deıin kóterildi degen sózdiń aqıqat aýylynan alys ekenin baǵamdaýǵa bolady.
О́mir ESQALI,
«Egemen Qazaqstan»
Soltústik Qazaqstan oblysy
