Oblys ákimi Q.Kósherbaev Shıeli aýdanyna jumys sapary barysynda zaýyttyń qurylys jumystarymen tanysyp, Qytaı Halyq Respýblıkasynan bilim alyp kelgen 17 jas mamanmen kezdesti.
Qazirgi tańda, sement óndiretin zaýyttyń qurylys-montaj jumystary 90 paıyzǵa aıaqtalǵan, óndiris ornynyń bolashaq qyzmetkerleri Qytaıda bilim alýda.
Esterińizge salaıyq, jergilikti turǵyndardy jumysqa tartý úshin «Gejýba Shıeli Sement" kompanııasy aýdandaǵy ındýstrıaldy kolledjdiń túlekterin – 46 adamdy bilim alýǵa ári zaýytta jumys isteýge daıarlyqtan ótýge jibergen bolatyn. Aımaq basshysy oqýyn támamdap kelgen alǵashqy 17 túlekpen kezdesti. Qazirgi tańda ekinshi toppen oqıtyn 80 stýdent iriktelip alyndy.
Memlekettik-jekemenshik áriptestik sheńberinde zaýytqa elektr jelisimen jabdyqtaý jáne temir jol salý jumystary júrgizilýde. Sondaı-aq oblystyq bıýdjetten ónerkásiptik aımaqqa gaz qubyryn salý úshin qarajat bólindi.
Esterińizge salaıyq, Shıelidegi sement óndiretin zaýyttyń jobalyq qýaty jylyna 1 mln. tonnany quraıdy. Joba aıasynda 50 gektar jer telimi bólindi, onyń 46 gektary naqty zaýyt qurylysy úshin, al tórt gektarynda qyzmetkerlerge arnalǵan áleýmettik nysandardyń qurylysy júrgizilýde. Kásiporyn ónimderi Eýrazııalyq ekonomıkalyq odaq, TMD jáne QHR elderine jetkiziletin bolady. Jobany iske asyrý úshin «DANAKE Korporasııasy» JShS jáne qytaılyq kompanııa «Gezhouba Group Cement Co. Ltd» aıasynda «Kompanııa Gejýba Shıeli Sement» JShS birlesken kásiporny quryldy.
Zaýyt tolyq iske qosylǵan kezde ónerkásipte 220 turaqty jumys orny qurylady.
