Onyń aıtýynsha, aǵymdaǵy jyly dándi daqyldar 15 mln gektar alqaptan jınalatyn bolady. Onyń ishinde bıdaı 11,1 mln gektardy qurasa, al maıly daqyldardyń jınalatyn alqaby 2,8 mln gektar. Bul ótken jylǵy deńgeıden 400 myń gektarǵa artyq.
Respýblıka boıynsha 20 mln tonna dándi daqyl jınalady dep boljanýda. Maıly tuqymdar óndirý kólemi 2,3 mln tonna deńgeıinde bolady dep kútilýde. Bul kórsetkish astyqtyń eksporttyq áleýetin 9 mln tonnaǵa deıin, maıly tuqymdardyń eksportyn 1 mln tonnaǵa deıin jetkizýge, quramajem jáne maı shyǵaratyn kásiporyndardy shıkizatpen qamtamasyz etýge múmkindik beredi.
Al aǵymdaǵy jylǵy kóktemgi egis jáne egin jınaý jumystaryn qarjylandyrýǵa «KazAgro» holdıngi bıýdjettik kredıt qarajatynan 60 mlrd teńge bólmek. Sonymen qatar, 1985 agroónerkásiptik keshenniń 3,2 mln gektardan astam alqabyna dándi daqyldar ósirýge qarjylaı qoldaý kórsetilmek.
Erkejan AITQAZY,
«Egemen Qazaqstan»
