Búginde «Zeket» qory asyl dinimizdegi qaıyrymdylyq máseleni utymdy sheshýge tyrysyp otyrǵan birden bir uıym bolyp tabylady. Sońǵy jyldary atalǵan qor izgilik pen meıirimdilik maqsatqa erekshe kóńil bólip, az qamtylǵan jandarǵa kóbirek nazar aýdarady.
Naıb múftı óz sózinde osy jaılarǵa jan-jaqty toqtaldy. Alda «Zeket» qoryn zaman talabyna saı damytý asa qajet ekenin atap kórsetti.
QMDB-nyń Aqmola oblysy boıynsha ókili, Naýan haziret meshitiniń bas ımamy Qýanysh Sábıt sóz alyp, óńirdegi tushymdy isterdi tilge tıek etti. Bir jaǵynan, bul sharaǵa ol óz tájirıbesimen bólisý úshin shaqyrtý alǵan edi. Aqmola oblystyq ókildigi «Zeket» qory kóp sharýalardy tyndyrdy. Atap aıtsaq, bıyldyń ózinde qaıyrymdylyq aksııasy arqyly eki otbasyǵa páter kiltterin tabys etti. Bul respýblıka meshitterinde qolǵa alynbaǵan tyń bastama edi. Alda bul aksııa jalǵasyn tappaq. Qýanysh Sábıt barshanyń nazaryn osyǵan aýdara kele, bári ynta-yqylasqa baılanysty ekenin basa aıtty.
Aqmolalyqtardyń qaıyrymdylyq jumystary joǵary baǵaǵa ıe boldy. Naıb múftıdiń qolynan oblysymyzdyń bas ımamy Qýanysh Sábıt jáne «Zeket» qorynyń jaýapty ókili Erbolat Sháripov Alǵys hat alyp, qýanyshpen oraldy.
Baıqal BAIÁDIL,
«Egemen Qazaqstan»
Aqmola oblysy.
