Senat bıýrosynyń kezekti otyrysy

Keshe Qaırat Mámıdiń tóraǵalyq etýimen Parlament Senaty bıýrosynyń otyrysy boldy. Komıtetter men Senat apparatyna respýblıka Úkimetinen kelip túsken zań jobalary berildi, dep habarlady Parlament Senatynyń baspasóz qyzmeti. Atap aıtqanda, «Qazaqstan Res­pýblıkasynyń keıbir zańna­ma­lyq aktilerine zańdy tulǵa­lardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» zań jobasy Kons­tıtýsııalyq zańnama, sot júıesi jáne quqyq qorǵaý organdary komıtetine berildi. Bıýroda sondaı-aq bıylǵy 28 jeltoqsanda bolatyn Senattyń kezekti jalpy otyrysynyń kún tártibi boıynsha usynystar qa­raldy. Depýtattar «Teleradıo ha­bar­laryn taratý týraly» zań jobasyn jáne qoldanystaǵy keıbir zańnamalyq aktilerge teleradıo habarlaryn taratý máse­le­le­ri boıynsha ózgerister engizý tý­raly zań jobasyn birinshi oqy­lymda talqylaıtyn bolady. Jalpy otyrysta «Qazaqstan Respýblıkasynyń arnaýly memlekettik organdary týraly» zań jobasy jáne qoldanystaǵy bir­qatar zańnamalyq aktilerge arnaýly memlekettik organdary máseleleri boıynsha ózgerister engizý týraly zań jobasyn birinshi oqylymda qaraý kózdelip otyr. Odan basqa otyrysta «Qa­zaqstan Respýblıkasynyń keıbir zańnamalyq aktilerine qylmys­tyq-atqarý júıesi máseleleri boı­ynsha ózgerister men tolyq­­ty­rýlar engizý týraly» zań jo­basyn birinshi oqylymda qaraý kózdelýde. Jalpy otyrysta qolda­nys­taǵy keıbir zańnamalyq aktilerge elimizde  qor naryǵyn damytý jáne orman sharýashylyǵy, janýarlar dúnıesi jáne erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly zań jobalary ekinshi oqylymda qaralady.