Qoıylymda basty keıipker – Pojar Týshılych. Spektaklde belgili ertegilerdegi Jalmaýyz kempir, Aıdahar jáne basqalary tótenshe, qıyn jaǵdaılarǵa tap bolady. О́ıtkeni olar órt qaýipsizdigi erejelerin saqtamaǵan edi. Bul spektakldiń jazylýy kezdeısoq emes edi. Sońǵy bes jylda elimizde tilsiz jaý 275 balanyń ómirin jalmady. Olardyń 70 paıyzy 7 jasqa deıingi búldirshinder bolatyn. Úıdegi órttiń kópshiligi balalardyń tentektik, oılaýsyz áreketinen, baqylaýsyzdyǵynan shyǵady.
«Spektakl balalar úshin óte qyzyqty boldy dep oılaımyn. Olar Pojar Týshılychtyń suraqtaryna jaýap berip, qoıylymǵa qatysyp otyrdy. Balalardyń esinde qalady, mundaı sharalar órt qaýipsizdiginiń saqtalýyna sál de bolsa yqpaly tıedi» deıdi Azamat Orynbaev.
Spektaklge kelgen kishkentaı kórermenderge teatr aýlasynda órt sóndiretin tehnıkalar men quraldar kórsetildi. Aldaǵy ýaqytta kýyrshaq teatry spektakldi oblys aýdandary men qalalarynda qoıatyn bolady.
Názıra JÁRIMBET,
«Egemen Qazaqstan»
Qostanaı
