Baspasóz málimetine súıensek, Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýyn iske asyrý maqsatynda «Dárilik zattar men medısınalyq buıymdar aınalymy máseleleri boıynsha QR keıbir zańnamalyq aktilerine ózgerister men tolyqtyrýlar engizý jónindegi» QR Zań jobasy ázirlendi. Onda 2019 jyldyń 1 qańtarynan bastap barlyq dárilik zattar baǵalaryn retteý kózdelgen. Josparlanyp otyrǵan ózgerister baǵany retteýdiń 4 deńgeıin kózdeıdi: óndirýshi, kóterme saýda, bólshek saýda, tegin medısınalyq kómekti kepildi kólemi (TMKKK) sheńberinde jáne mindetti áleýmettik medısınalyq saqtandyrý (MÁMS) júıesinde satyp alý deńgeıleri. О́ndirýshiniń baǵasyn tirkeý referenttik elderdiń tutynýshylyq oramynyń baǵasy negizinde júrgiziledi, sondaı-aq ústeme baǵanyń regressıvtik shkalasy arqyly dárilik preparattardy kóterme jáne bólshektep satý marjasy retteletin bolady. Qazirgi tańda atalǵan Zań jobasy QR Parlament Májilisiniń qaraýynda. Taıaý ýaytta zań jobasy ekinshi oqylymǵa kirgiziledi jáne elimizdiń Parlament Senatyna joldanady. 2018 jyldyń sońyna deıin zańǵa qol qoıý josparlanýda.
Sonymen qatar, 2017 jyldyń basynan TMKKK sheńberinde ambýlatorııalyq deńgeıde turǵyndardy tegin dárilik zattarmen qamtamasyz etý úshin farmasevtıkalyq qyzmetter men dárilik zattar, medısınalyq buıymdar tizbesin ortalyqtandyrýdy esepke alý men Biryńǵaı dıstrıbıýtor tizimi tolyqtaı qaıta qaraldy. Iаǵnı, ambýlatorııalyq turǵyda tegin qamtamasyz etý úshin dárilik zattar tizimi ekonomıkalyq jaǵynan tıimdi preparattardy qosý jolymen qaıta qaralyp, keńeıtildi. Mysaly, S vırýstyq gepatıtin emdeý úshin qymbat jáne tıimdiligi tómen (60%) pegılırlengen ınterferondarmen terapııa tıimdiligi joǵary (98%) emdeý shemasymen (sofosbývır+daklatosvır) almastyryldy, ol emdelgen naýqastar sanynyń 500-den 40 000 adamǵa joǵarylaýyna múmkindik berdi.
Dárilik zattardy sheteldik óndirýshilermen júrgizilgen kelissózder nátıjesinde 175 atalymdaǵy medısınalyq preparattar baǵasy ortasha 23%-ǵa tómendedi, al otandyq óndirýshiler uzaq merzimdi sharttar aıasynda baǵany tómendetý jónindegi qabyldanǵan mindettilikke sáıkes, 134 atalymdaǵy dárilik zattar baǵasyn 5% tómendetti. Qazirgi tańda dárilik naryq dárihana arqyly dárilik zattardy kommersııalyq satý jáne tegin medısınalyq kómektiń kepildik berilgen kólemi sheńberinde tegin dárilik zattarmen qamtamasyz etý bolyp bólinedi. Ázirge naryqtaǵy kommersııalyq satý baǵasy rettelmeıdi.
