Esterińizge sala keteıik, byltyr oblystyq sottyń ujymy men JMK yqshamaýdanynyń aqsaqaldar alqasy qalalyq ákimdikke buǵan deıin Karl Marks esimin ıelenip kelgen úlken kóshege qazaqtyń ataqty úsh bıiniń biri Qazybek Keldibekulynyń atyn berý jóninde usynys bildirgen bolatyn.
Dańǵyldyń ashylý saltanatyna oblystyq sottyń tóraǵasy Nurlan Qaıyrbekov, «Nur Otan» partııasy О́skemen qalalyq fılıaly tóraǵasynyń birinshi orynbasary Maıra Ekibasova, qalalyq aqsaqaldar alqasynyń tóraǵasy Saılaýhan Aýhadıev, salalyq mádenıet, sport jáne aqparat qyzmetkerleri kásipodaǵy oblystyq fılıalynyń tóraǵasy Túsiphan Túsipbekov qatysyp, quttyqtaý sóz sóılep, lebizderin jetkizdi. «Shyǵys Qazaqstan oblysynyń ortalyǵy - О́skemen qalasynda el tarıhyndaǵy uly tulǵalardyń biri Qazybek bıdiń atyndaǵy kósheniń ashylýy sot júıesindegi aýqymdy is-sharalardyń tamasha bir úlgisi. Qaz daýysty Qazybek bı – qazaq halqynyń uly úsh bıiniń biri, kórnekti qoǵam jáne memleket qaıratkeri, halyq arasynda bedeldi ári ádil bı retinde el esiminde qalady. Biz ótkenimizdi qasterlep, búginimizdi qadirleı otyryp, bolashaqqa zor úmitpen qol sozamyz. «Rýhanı jańǵyrý» baǵdarlamasyn iske asyrý arqyly tarıhymyzdy, mádenıetimiz ben ulttyq rýhymyzdy jańǵyrtyp, baıytatyn bolamyz. Qazybek bıdiń atynda qazirgi tańda Qaraǵandy, Almaty jáne Shymkent qalalarynda kóshe bar, al búgin mine ór Altaıdyń ortasynda ornalasqan О́skemen qalasynyń qarqyndy damyp jatqan yqsham aýdanynyń dańǵylyna uly tulǵanyń atyna kóshe berilip otyr. Bul bizdiń bir jaǵynan, uly tulǵalardy ulyqtap, ultymyzdyń danalaryna kórsetken qurmetimiz bolsa, ekinshi jaǵynan, keler urpaqqa mıras jáne úlgi-ónege», - dedi sot tóraǵasy.
Oblys ortalyǵyn qazaqylandyrý máselesine árkez qoldaý kórsetip, batyl-batyl pikirlerin aıtyp júretin «Nur Otan» partııasy О́skemen qalalyq fılıaly tóraǵasynyń birinshi orynbasary Maıra Ekibasova: «Búgin bizdiń súıikti О́skemenimizde úlken mereke. Qalamyzdaǵy úlken dańǵyldyń birine Qazybek bı babamyzdyń esimi berilip jatyr. Dańǵyldyń oblystyq sot ǵımaratyna jaqyndyǵy da kezdeısoq emes sekildi. Bul – dástúr jalǵastyǵy, urpaqtar sabaqtastyǵy», - deı kele qala turǵyndaryn dańǵyldy taza ustaýǵa shaqyrdy.
Shara barysynda sóz alǵan oblystyq sottyń sýdıasy Ǵalııa Alıpanova Qazybek bıdiń ómiri men qundy muralaryna jaıynda aıta kelip: «dańǵyl boıyna qoǵam qaıratkeriniń eskertkishin ornatyp, ártúrli jarnamalyq bannerlerdiń ornyna babalarymyzdyń jas urpaqqa tárbıe bolarlyq naqyl sózderin ilip qoısaq nur ústine nur bolar edi» degen usynysyn jetkizdi.
Qoǵam qaıratkeri Túsiphan Túsipbekov О́skemenge Qazybek bıdiń kelýi jaqsylyqtyń belgisi ekendigine toqtaldy. «Qazybek bı - qazaqtyń úsh hanymen birge jumys istegen, júzge taqap baryp ómirden ótken alashtyń ǵulamalarynyń biri. Búgin óshkenimiz janyp, ólgenimiz tirilip jatyr deýge bolady. Osynyń bári – Táýelsizdiktiń arqasy. Qazirgi jastar kóp dúnıeni bilýi kerek, sezinýi kerek. Qazaqtyń tarıhyn qaıta jazý máselesi de ózekti. Qazir tarıhymyzdyń burmalanǵany, ózge ulttardyń soıylyn soǵatyn tarıhtyń qoldan jasalǵany belgili bolyp jatyr. Búginde tarıhshylarymyz ulylarymyzdyń ómirin qaıtadan zerttep jatyr. Tarıhty zertteıtin ártúrli ınstıtýttar ashylyp jatyr. Osynyń bárine jan bitirgen – Elbasynyń «Rýhanı jańǵyrý» baǵdarlamasy. Qazir joǵymyzdy izdep jatyrmyz. Halyq muny sezinip jatyr», - dedi T.Túsipbekov.
Azamat QASYM,
«Egemen Qazaqstan»
О́skemen
