Atalǵan Sammıt barysynda uıymǵa Tóraǵalyq etýdi Qazaqstannan Qyrǵyzstanǵa berý rásimi ótpek. Kúni keshe ǵana túıini 20 jylǵa sozylǵan Kaspıı Konvensııasyn Aqtaý qalasynda sheshken Qazaqstan kezekti ret sátti dıplomatııalyq qadam jasap otyr.
Sammıt qorytyndylary boıynsha Cholpon-Ata deklarasııasyna qol qoıý, sonymen qatar Túrki keńesine múshe elderdiń basshylarynyń birqatar sheshimder qabyldaýy kútilip otyr. Naqtylap aıtar bolsaq, ulttyq sport túrleri men jastar saıasatyna erekshe kóńil bólinip, bul másele kún tártibinde tur.
Esterińizge sala ketsek, eń birinshi Sammıt Almaty qalasynda «Túrkitildes elderdiń ekonomıkalyq yntymaqtastyǵy» taqyrybynda ótken edi. Sol ýaqyttan beri atalǵan uıym jahandyq arenada óziniń ómirsheńdigin kórsetip keledi. Halyqaralyq uıym basshylyǵyna Qazaqstan ókiliniń qarastyrylýy – dál osynyń aıǵaǵy.
Oljas BERKINBAEV, saıasattanýshy
