Jeńimpazdardy anyqtaý úshin polısııa qyzmetkerleriniń jumys kórsetkishi, qylmystyq isterdiń merzimin saqtaı otyryp, sapaly túrde der kezinde zańdy sheshim qabyldaýy, biliktiligi men jaýapkershiligi, jan-jaqtylyǵy men izdenimpazdyǵy basty nazarǵa alyndy. Basqarma basshylyǵynan qurylǵan komıssııa sheshimine sáıkes 23 anyqtaýshylardyń arasynda úzdikter anyqtalyp, nátıjesinde «Úzdik anyqtaýshy» atalymyna polısııa aǵa leıtenanty Aldabergenuly Aıan, «Úzdik aıyptaýshy» atalymyna polısııa aǵa leıtenanty Ábdiqapparov Álimurat, Asylbek Jasulan; «Úzdik taldaýshy» atalymyna polısııa kapıtany Jansýltanov Bagdat, «Alǵyr anyqtaýshy» atalymyna polısııa aǵa leıtenanty Kalmanov Ahmed jáne polısııa aǵa leıtenanty Abdraımov Saparáli laıyqty dep tanyldy.
Úzdik dep tanylǵan polısııa qyzmetkerleri marapattalyp, olarǵa dıplomdar men estelik syılyqtar tabystaldy. Sharaǵa óz isiniń úzdigi atanǵan anyqtaýshylardyń ata-analary da qatysyp,olarǵa alǵys hattar men gúl shoqtary tabys etildi.
