Úzdikter kóshin 30 jastaǵy Vasılıı Lomachenko bastap tur. Jeńil salmaqta kúsh synasyp júrgen Ýkraına boksshysy bes jylǵa jýyq ýaqyt aralyǵynda 12 jekpe-jek ótkizip, 11 ret jeńiske jetti. 9 qarsylasyn aıqyn basymdyqpen utty. Ekinshi oryndy Terens Kroýford ıelenýde. Ol da 30 jasta. Jartylaı orta salmaqtaǵy AQSh-tyń ókili 33 márte sharshy alańǵa shyǵyp, barlyq básekeni óz paıdasynan sheshti. 24 kezdesýde nokaýt belgilendi. Úshinshi orynda – Saýl Alvares. 28 jastaǵy Meksıkanyń maqtanyshy GGG-ni utqannan keıin úzdikter qatarynan qosyldy. Ol 53 márte rıngke kóterilip, 50 jekpe-jekte ústemdik tanytty. 34 qasrylasyn esinen tandyrdy. 1 ret utylyp, 2 ret teń tústi.
Sondaı-aq, «TOP-10» boksshynyń qatarynda qazaqstandyq Gennadıı Golovkın (38-1-1, 34 KO), amerıkalyq Errol Spens (24-0, 21 KO) pen Maıkı Garsııa (39-0, 30 KO), japonııalyq Naoıa Inoýe (16-0, 14 KO), taılandyq Srısaket Sor Rýngvısaı (45-4-1, 40 KO), ýkraınalyq Aleksandr Ýsık (15-0, 11 KO) jáne ulybrıtanııalyq Entonı Djoshýa (21-0, 20 KO) syndy sańlaqtar bar.
Ǵalym SÚLEIMEN,
«Egemen Qazaqstan»
